Mugabe ashobora kwitabira irahira rya Emmerson Mnangagwa

Ibinyamakuru bikorera muri Zimbabwe birimo n’ibya Leta byatangaje ko Mugabe utarajya ahabona kuva ku munsi wo ku cyumweru ashobora kwitabira ibi birori by’irahira rya Perezida umusimbuye nyuma y’imyaka 37 yose ari ku butegetsi. Ibi binyamakuru birandika ko mu gihe Mugabe yakwitabira ibi birori ashobora kwakiranwa icyubahiro nk’uwari Perezida wa Repubulika.

Nkuko BBC ibyandika, ny’imyaka 37 yose Robert Gabriel Mugabe yari amaze ku butegetsi, igihugu cya Zimbabwe kirashyira akadomo ka nyuma ku butegetsi bwe aho Emmerson Mnangagwa wari Minisitiri w’Intebe akaza kwirukanwa ku mirimo ye ari we ugiye kurahirira kuba Perezida wa Repubulika agasimbura uyu mukambwe w’imyaka 93 yose.

PNG - 940.9 ko
Emmerson Mnangagwa ugiye kurahirira kuyobora igihugu cya Zimbabwe

PNG - 760.2 ko
Robert Gabriel MUGABE weguye ku nshingano zo kuba umukuru w’igihugu


Kuri uyu wa gatanu mu masaha ya saa sita z’amanywa, kuri stade ibarizwa mu murwa mukuru w’igihugu cya Zimbabwe, Harare, nibwo biteganyijwe ko Emmerson Mnangagwa arahirira ku mugaragaro kuyobora igihugu mu gihe cy’iminsi 90 y’inzibacyuho ubwo hazaba hategurwa amatora.

Muri iki gitondo, ishyaka riri ku butegetsi, Zanu-PF ryatumiye Abanya-Zimbabwe bo mu mpande zose z’igihugu muri Stade ya mbere mu bunini ibarizwa mu murwa mukuru Harare, ifite ibyicaro bisaga ibihumbi mirongo itandatu.

Bitegenyijwe ko muri iri rahira rya Perezida mushya wa Zimbabwe, igisirikare cyagize uruhare runini kugira ngo uyu mukambwe Mugabe yegure, nacyo kiraba cyahasesekaye ku bwinshi.

Emmerson Mnangagwa ugiye kurahirira kuyobora igihugu cya Zimbabwe, yavutse ku itariki ya 15 Nzeli 1942. Yabaye Visi Perezida wa Zimbabwe kuva mu mwaka wa 2014 ku itariki ya 12 Ukuboza kugeza mu mwaka wa 2017 ku itariki ya 6 Ugushyingo 2017 ubwo yirukanwaga ku mirimo ye na MUgabe.

Robert Gabriel Mugabe yavutse ku itariki ya 21 Gashyantare 192, yagiye ku butegetsi ku itariki ya 31 Ukuboza mu mwaka wa 1987 akaba yeguye ku mirimo ye yo kuba umukuru w’igihu ku itariki ya 21 November 2017 aho yari amaze imyaka isaga 37 yose ku butegetsi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo