Mugabe arashimangira ko igihano cy’urupfu ari ngombwa mu gihugu cye

Robert Mugabe, Perezida w’igihugu cya Zimbabwe kuri ubu arashaka ko igihano cy’urupfu gisubizwaho mu gihugu cye ngo nyuma yo kubon abantu bikorera ibyo bishakiye byose.

Mugabe atangaje ibi nyuma y’aho umwe mu bakozi ba Minisiteri y’Ubutabera avugiye ko abantu 50 bamaze guciribwa imanza zo gupfa.

Igihano cyo gupfa giheruka gushyirwa mu ngiro mu mwaka 2005 mu gihugu cya Zimbabwe nyuma y’aho uwari ushinzwe gushyira iki gihano mu bikorwa anyonga abantu agiriye mu kiruhuko k’iza bukuru, nk’uko bivugwa na AFP.

Ubwo yari mu murwa mukuru wa Zimbabwe, Harare Mugabe yagize ati “Reka tugarure igihano cyo kwicwa kuko abantu barakina n’urupfu mu kwicana uko bishakiye. Dushaka igihugu gifite amahoro y’umunezero, ntidushaka igihugu abantu bicana umwanya ku wundi."

Nkuko AFP yabivuze kandi ngo muri iki gihugu cya Zimbabwe, imfungwa nyinshi bakatiwe igihano cyo gupfa.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo