Mu mvugo ikakaye  Perezida Nkurunziza  yaciye amarenga y’ubwicanyi  bugiye gukorwa mu Burundi

Ntugakine n’umuriro’ ni amagambo yakoreshejwe na Perezida w’u Burundi,Pierre Nkurunziza ubwo yari mu muhango wo gusoza icyumweru cyahariwe intwari zitangiye igihugu cy’u Burundi wabaye ku wa Gatandatu tariki ya 18 Ugushyingo 2017 mu ntara ya Cibitoke aho yabahamagariye abanwashyaka ba CNDD-FDD gukuraho ndetse no kohereza mu buhungiro abo yise INTUMVA.

Mu ijambo yagejeje ku bitabiriye uyu muhango ,Perezida Nkurunziza yibukije abayoboke b’iri shyaka basa n’abataye umurongo kugaruka mu nzira nziza.

Ati’’Iyo ubonye umwana ufite ubutwari atangiye guta inzira mugarure bwangu.Nzi benshi muri mwe batangiye guta inzira.Mugomba kuba maso mubibutsa ko batagomba gukora nk’ubushize.Barahari kandi mwizere ko mbazi neza’

Perezida Nkurunziza kandi yavuze ko igihe cy’imbabazi cyarangiye kuko hakoreshejwe nyinshi kugira ngo bikunde ntacyo byatanze . Ati’’Mu 2015 twaravangiwe.Ntitugikeneye abatugira inama ndetse badutesheje igihe n’amafaranga menshi.Twashyize imbere ibikorwa by’ubugiraneza ariko twasanze twaratakaje igihe ku busa’’

Umukuri w’Igihugu cy’iu Burundi kandi yasezeranyije abo yita abafungamutwe ko agiye kurangizanya nabo ndetse ko bizatangirana n’umwaka wa 2018.

Ati ‘’Guhera mu 2018,nta mbabazi na mba .Abafungamutwe bagomba gushimirwa mu gihe nyacyo nta gutakaza igihe umuntu abihangangiriza incuro imwe cyangwa ebyiri.Abafungamutwe bagomba guhigwa.Nta gukina n’umuriro.Tuzahurira mu Ijuru’’

Perezida Nkurunziza kandi yibukije buri wese udahuje nawe icyerekezo gutangira gushaka impapuro zo kujya mu mahanga nk’uko bitangazwa na RPA dukesha iyi nkuru..

Akaba yarasoje ijambo rye ahanurira abarwanyashyaka ba CNDD-FDD ndetse n’abarundi muri rusange ko bagiye kwinjira mu bihe by’imigisha anabasaba kubyemera ndetse bakajya kubyemeza n’abandi.

Muri uyu muhango kandi Perezida Nkurunziza akaba yaravuze ko ubwe yabaye Imbonerakure avuga ko ukoze mu ijisho ry’Imbonerakure aba anakoze mu iry’Imana, Ati “Kugambanira Imbonerakure ni ugukora ibihabanye n’ubushake bw’Imana, Imana ni inshuti z’Abana, urubyiruko,… twese mu ishyaka (CNDD FDD) twatangiye turi Imbonerakure”.

JPEG - 42.7 ko
Abatemeranya na Perezida Nkurunziza barye bari menge

Mu Burundi hakomeje kuvugwa ibikorwa bibi bikorerwa buri wese ugaragaje ko adashyigikiye ubutegetsi bwa Perezida Nkurunziza aho bamwe bicwa, abandi bagakorerwa iyica rubozo harimo no gufata abagore n’abakobwa ku ngufu.

Gabriel Habineza/Umubavu.com



Tanga igitekerezo kuri iyi nkuru



Igitekerezo
muhire Kuya 22-11-2017

Andika Igitekerezo HannoAbanyarwanda tumenye ibyacu abarundi tubareke.

Optis yazis Kuya 22-11-2017

Umubavu nikinyamakuru c,urwanda,kandi mumatekanzi neza ntabwo muri incuti magara z,Uburundi.Turaziko mumwanka President w,igihugu c,Uburundi ariko atwara abarundi ntatwara urwanda.Ejobundi ko kagame yinamuye akavugako azorasa abantu Bose batamwemera kimugaragaro kwatamajambo mwongeyeho NGO mubimenyeshe amakungu nabanyarwanda ?I Burundi niho mubonye hogukiririkimbira ?jiwanyu,mwimenye kuko igihugu cise gifise amategeko akiyoboye.Ntiyabivize ko atavyo kubafunga abatwemera Bose ,azohora abarasira kukarubanda izuba ryaka ?komutabigizeko commentaires ???????

KMD Kuya 22-11-2017

Eheee iri jambo ry’umuyobozi ko rikakaye.ko nunva se abakanguriye guhunga, abandi akabarangiza,azagisigaramo wenyine ?ese ko nunva agiye guhiga abaturage be, kandi ko imbabazi zarangiye : none ngo bazahurira mw’ijuru ? iryo juru rizajyamo abatagira imbabazi niryahe ? yemwe iryo siry’imana peeee.