Mpayimana uherutse kwiyamamariza kuba perezida amagambo yanditse yateje impagarara

Mpayimana Phillipe uherutse kwiyamamariza kuyobora uRwanda agatsindwa amatora amagambo yanditse ruri facebook yateje impagarara mubakunzi be bo kuri facebook aho yanengaga ishyirahamwe ryitwa Jambo avuga ko ibikorwa byaryo bidahwitse kuko ngo bavuga ko bibuka jenoside yakorewe abatutsi ariko bakavangamo n’ibindi

Agaruka kubikorwa uru rubyiruko rumaze iminsi rukoze yavuze ko ashima ibikorwa bamaze kugeraho avuga ko ari intambwe ishimishije kandi ko byaba byiza kurushaho ubutaha ba kwifatanya n’umuryango wa ibuka.

Yagize ati, "Banyarwanda,Ndashima intambwe urubyiruko rw’abanyarwanda batuye mu mahanga bamaze gutera biyemeza kwibuka jenoside yakorewe abatutsi mu Rwanda mu 1994. Gusa, byaba byiza kurushaho ubutaha bashoboye kwifatanya n’umuryango ibuka uhagarariye abacitse ku icumu nk’uko na leta y’u Rwanda yifatanya nawo muri uko kwibuka.
Cyakoze mbabajwe cyane no kuba uko kwibuka bakubangikanya n’ibindi bitekerezo bibangamiye ubwiyunge bw’abanyarwanda. Ndamagana rero nivuye inyuma uburyo bwo gucacagagura amateka duhuriyeho mo ibice bituzuzanya kandi ayo mateka ahuriye ku ngaruka mbi imwe rukumbi ari yo jenoside yakorewe abatutsi, uretse uwashaka kubihakana cyangwa kubipfobya.
Amateka ntabwo ari ikusanyirizo ry’ibikorwa n’ibitekerezo, ni uruhererekane rw’impamvu n’ingaruka z’ibikorwa n’ibitekerezo. Nta shingiro rero ryo gutandukanya iyicwa ry’abanyapolitiki mu Rwanda cyangwa iyicwa ry’abanyarwanda ku mpamvu z’intambara n’iyo jenoside yakorerwaga abatutsi nyir’izina. Ndetse n’abagiye babuzwa ubuzima n’ibikorwa bya gisilikare byo gucyura impunzi nta mpamvu yo kubyita ko byakorewe « abahutu ». Nta munyarwanda ukwiye kwiyumvamo iryo yihimurana rondakoko. Cyane ko nta n’inkomoko y’abahutu izwi mu Rwanda, hazwi amoko menshi arangwa n’uturere gakondo tunyuranye batuye, ari nako bahuriye ku bunyarwanda."

Yakomeje agira ati, "Ndagirango menyeshe abirirwa baririmba ubuhutu bose ko binyuranyije n’intego za repubulika. Kuba ishyirahamwe Jambo ryiyita ko rivugira abahutu, ni kwa kwibeshya kw’abakera bo muri 59 na 94 kugarutse. Ntabwo inyungu za politiki zigomba kuguranwa amakimbirane y’amoko. Ngo barashaka ko twese twiyumvamo ubucikacumu, ni kwa kundi Tewodori Sindikubwabo yakanguriye abantu ngo bose kwica birabareba. Biyemeje gutandukira berekeza mu iterabwoba kuko iyi nzira ibangamiye amahoro n’ubwiyunge mu gihugu cyacu. Bakwiye kwisubiraho.
Icyo nifuje gutangaho umusanzu mu kubaka uRwanda ni ugukangurira buri wese kwishimira ubunyarwanda bwe kuruta kwironda. Ntabwo amakosa ya kera akwiye gusubirwamo cg gushakirwa inyoroshyo. Icyaciyemo kabiri abanyarwanda ni ubukoloni si ikindi, aho kwitana bamwana. Twamagane amacakubiri ashakira amakosa ya bamwe ku bandi. Dutsure ubutandukane bw’imico aho guhora abantu binjizwa mu bigare by’abiyita nyamwinshi bagamije kumara abandi"

Aya magambo yayatangaje abinyujije kurukuta rwe rwa facebook aho hari bamwe bahise bamunenga bavuga ko ibyo yavuze atabizi neza cyangwa harimo kwirengagiza gukomeye kuko ngo hari n’abandi bapfuye mu ntambara yabaye yo kubohora igihugu we akavuga ko bashyirwa mu ntwari z’igihugu bakajya bibukwa mu kwezi kwa kabiri.
Yagize ati, "Cyakoze rero mu gihe hakomeje kuvugwa ko hari abanyarwanda bashavujwe n’uko Leta itabazirikana mu gahinda batewe no kubura ababo kandi ari abere mu gihe cy’intambara yabohoraga uRwanda n’ibihe byo gucyura impunzi, nasaba ko bashyirwa ku rutonde rw’abitangiye abandi nk’uko buri kwezi kwa kabiri twibuka intwari. Mu gihe abayoboraga ingabo za FPR Inkotanyi babyemera bamaze kubisobanurirwa mu nzira ziboneye, nta yindi mpamvu yo gusigana mu maganya yakongera kurangwa mu bana b’uRwanda. "
Bamwe mushyutize zo kuri facebook bahise bamusamira hejuru maze bamwuka ibitutsi bamushinja gushaka umwanya mu buyobozi bw’igihugu ariko ko ngo atazawubona.
Dore uko babivuze


Travel for Free!


Tanga igitekerezo kuri iyi nkuru



Igitekerezo