MPAYIMANA PHILIPPE, uherutse kwiyamamaza, yagaye ibyo mugenzi we bahatanaga yamuvuzeho

Mpayimana wiyamamarije kuyobora u Rwanda ariko ntagire amahirwe yo gutsinda amatora yikomye mu genziwe Gilbert Mwenedata wamuvuzeho muri iyi minsi aho avuga ko bitari bikwiye ku muntu bari bari kumwe mu gushaka kuyobora u Rwanda kandi ko gushaka kuyobora u Rwanda ari ubutwari busaba kudahindura imvugo .

Niba kwinjira muri politiki byorohereye gusa abantu batuye hanze y’igihugu cyangwa bafite ubushobozi bwo guhunga igihugu, kuri buri manda hajya haboneka abanyarwanda benshi cyane biyamamaza. Ariko niba bisaba kuba umuntu yarafashe umwanya wo gutegura umushinga wo kubaka igihugu ku buryo ibyo avugira mu gihugu ari na byo asubiramo hanze yacyo, birumvikana ko abagerageza iyo nzira tuzahora turi bacye.

Gilbert Mwenedata uheruka kugerageza kwiyamamariza kuyobora igihugu mu matora aheruka, mu minsi ishize yatangaje ko yahunze nyuma y’uko yakurikiranwagaho ibyaha birimo gukoresha impapuro mpimbano ubwo yashakishaga ibyangombwa byaherekeza kandidatire ye. Icyo gihe yanikomye mu genzi we bari bari kumwe mu gushaka guhatanira kuyobora u Rwanda aho yavuze ko na we atujuje imikono y’abamushyigikiye ngo n’ubwo yabonye kandidatire.

Mpayimana Philippe yikomye nawe kuri iyi shyuro mu itangazo yashyize hanze yanenze imvugo yakoresheje aho yagize ati, " Ubutwari busaba kudahindura imvugo bitewe n’uko umuntu ari imbere cyangwa inyuma y’igihugu.

Amagambo mugenzi wanjye Mwenedata Gilbert twahataniraga hamwe umwanya w’umukuru w’igihugu yavugiye mu kiganiro yahaye radio ikorera mu mahanga, ku munota wa 13, ntabwo atinyura abashaka gutanga umusanzu mu buyobozi bw’igihugu cyacu.

Mu by’ukuri, Mpayimana Philippe niyamamaje nk’umukandida wigenda byeruye, ntaho nigeze ngirwa igikoresho n’ubutegetsi rwose. Nashimye cyane ahubwo kuba Komissiyo y’igihugu y’amatora yaranyemereye maze kuzuza ibisabwa, bikaba bitwereka ko demokarasi iriho ishinga imizi mu gihugu.

Mu gihe rero bamwe mu bo twahuriraga kuri gahunda yo gushaka kwiyamamaza bakurikiranywe cyangwa bahaswe ibibazo n’inzego z’ubutabera, nta mpamvu n’imwe yatuma udakurikiranywe afatwa nk’aho yari icyitso cya Leta."

Yakomeje agita ati, " Ahubwo niba iyi Leta yarashimye imyitwarire ye kugeza ubu, byagombye kubera isomo abibaza inzira twazanyuzamo demokarasi ikwiye mu Rwanda no muri Afurika. Bivuze ko injyana ya Mpayimana Philippe ari ubutavuga rumwe na Leta ariko budasenya, budasebanya, budaharanira kwihimurana, bushingiye ku mushinga wubaka. Iyi njyana kandi iherutse gushyigikirwa n’ikigo Mandela Institute yahuje abahanga benshi i Paris ku itariki 4 z’uku kwezi.

Bityo rero nifuza gusa ko ubucamanza bw’uRwanda bwakora mu bwigenge nk’uko nanjye nigenga. Kandi guhunga igihugu si byo bitanga ubwigenge, ahubwo kugira umushiga usobanutse kandi ufite umwihariko ukanagaragaza umusanzu nyirawo azawutangamo."



Tanga igitekerezo kuri iyi nkuru



Igitekerezo