Kizito Mihigo wajuririye mu rukiko rw’ikirenga yamenyeshejwe itariki y’urubanza rwe

Nyuma yuko umuhanzi Kizito Mihigo akatiwe igifungo cyo gufungwa imyaka 10 kubera guhamwa n’ibyaha bitandukanye birimo no kugambirira kugirira nabi ubutegetsi bw’igihugu ntanyurwe n’imyanzuro y’urubanza rwe, yahisemo kujuririra mu rukiko rw’ikirenga bityo akaba yamenyeshejwe ko azaburana ku itariki ya 14 Gicurasi 2018.

Kizito Mihigo yakatiwe igihano cyo gufungwa imyaka 10 ku wa 27 Gashyantare 2015 n’urukiko Rukuru nyuma yo guhamwa n’icyaha cyo kurema umutwe w’abagizi ba nabi, icyaha cy’ubugambanyi bwo kugiririra nabi ubutegetsi buriho,icyaha cyo gushaka kugiririra nabi Perezida wa Repubulika, icyaha cyo gukora umugambi w’icyaha cy’ubwicanyi gusa ahanagurwaho icyaha cyo gucura umugambi w’icyaha cy’iterabwoba.

Kizito yaregwaga hamwe n’Umunyamakuru Cassien Ntamuhanga wakatiwe gufungwa imyaka 25, nyuma akaza gutoroka gereza na Dukuzumuremyi Jean Paul wakatiwe igifungo cy’imyaka 30; mu gihe Niyibizi Agnes we yagizwe umwere.

PNG - 992.9 kb
Kizito Mihigo yajuririye mu rukiko rw’ikirenga none yabwiwe ko azaburana Kuwa 14 Gicurasi 2018.

@Umubavu.com


Travel for Free!


Tanga igitekerezo kuri iyi nkuru



Igitekerezo