Kenya : Umwe mu bagize akanama gashinzwe gutegura amatora (IEBC) yeguye

Umugore witwa Roselyn Akombe, akaba umwe mu bari bagize akanama kigenga gashinzwe gutegura amatora muri Kenya (The Independent Electoral and Boundaries Commission, IEBC) yeguye ku mirimo ye ashinja aka kanama kuba ari ko gateza imvururu za politiki muri iki gihugu mu gihe amatora ashigaje iminsi 8 gusa ngo abe.

Kuri uyu wa kabiri tariki ya 17 z’ukwezi kwa 10 umwaka wa 2017, Madamu Roselyn Akombe yandikiye urwandiko akanama gashinzwe gutegura amatora muri Kenya nawe yabarizwagamo, IEBC asaba kwegura avuga ko bimwe mu bimuteye gufata iki cyemezo kije gitunguranye ari uko ababajwe cyane nuko aka kanama yabagamo ari ko gatera umwuka mubi mu gihugu ndetse ko ari na ko ntandaro y’imvururu zose za Politiki zikomeje kwibasira igihugu cya Kenya muri aya matora yimirijwe gusubirwamo mu gihe gito kiri imbere kitarenze icyumweru kimwe gusa.

PNG - 721 ko
Madamu Roselyn Akombe i Buryo weguye ku mirimo ye yo kuba mu kanama gashinzwe gutegura amatora muri Kenya


Ku bwe, Madamu Roselyn Akombe avuga ko ngo gukomeza gufatanya n’aka kanama gashinzwe gutegura amatora ari nko gukomeza gutera ingabo mu bitugu imvururu za politiki zikomeje kwibasira iki gigugu zinahitana abatari bake ndetse no gukomeza kwerekeza igihugu cye mu bihe by’amage. Gusa yasabye abatarishimira iki cyemezo cye kumwihanganira.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo