Kenya : Uhuru Kenyatta ntiyatinye imvura y’amahindu mu bikorwa bye byo kwiyamamaza (Amafoto)

Uhuru Kenyatta, umukandida w’ishyaka Jubilee ryari risanzwe ku butegetsi mu gihugu cya Kenya kuri ubu riri guhatana mu matora ateganijwe tariki 26 Ukwakira 2017 aho Kenyatta akomeje ibikorwa bye byo kwiyamamaza n’ubwo uwo bahanganye ariwe Raila Odinga yamaze gukuramo kandidatire ye.

Uyu mukandida wa Jubilee yatunguye abantu ubwo yiyamamarizaga mu gace ka Nyahuru ntaterwe ubwoba n’imvura y’amahindu yagwaga agakomeza igikorwa cye cyo kwiyamamaza.

Amakuru dukesha ikinyamakuru Tuko.co.ke nuko Uhuru Kenyatta kuri iki Cyumweru Tariki 15 Ukwakira 2017 yagaragaje ko ashaka amajwi ndetse n’uburyo yagaragarije abaturage ko abahangayikiye atitaye ku kuba yaranyagirwaga cyangwa yahura n’ikindi kibazo cyose kimusaba kubitangira.

Abaturage ba Kenya babinyujije ku mbuga nkoranyambaga zinyuranye bakaba bagaragaje amarangamutima no gushimira ubwitange uyu muyobozi yabagaragarije
Uhuru Kenyatta kandi ubwo yari muri ibi bikorwa byo kwiyamamaza muri Nyahuru yagize icyo atangaza ku kuba uwo bahatanye yaravuye mu matora aho yavuze ko Raila Odinga yizeye ko Uburayi cyangwa ba Koffi Anan bazamufasha akaba ariyo mpamvu yanze gukomeza ibikorwa byo kwiyamamaza anamusaba kureka gukina n’ubuzima bw’abanya Kenya.

Yagize ati “Ndashaka kubwira Raila uyu munsi ngo areke gukina n’ubuzima bw’abanya-Kenya, Kenya ntabwo ifite ibibazo bya Politiki nk’uko Raila ashaka ko abanyamahanga babyemera, Ikibazo kimwe kiri muri Kenya ni wowe Raila. Kandi niba koko uri umu demukarate hangana nange mu matora”.

Kenyatta mu mvura y’amahindu yiyamamariza imbere y’abanyakenya

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo