Kenya : Raila Odinga wari wakuye Kandidature ye mu matora ashobora kwisubiraho

Umuyovbozi w’ishyaka rya NASA akanaba umuyobozi w’amashyirahamwe y’abatavuga rumwe na Leta mu gihugu cya Kenya, Raila Odinga, avuga ko ashobora kuzitabira amatora ateganyijwe gusubirwamo mu cyumweru gitaha ku itariki ya 26 Ukwakira 2017 mu gihe impungenge ze zaba zitaweho.

Bwana Odinga ibi yabitangaje amaze kubonana n’umuyobozi w’akanama gashinzwe gutegura amatora muri icyo gihugu, Wafula Chebukat.

PNG - 631.9 ko
Raila Odinga ashobora kwisubiraho akitabira amatora muri Kenya nubwo yaherukaga kuyikuramo


Raila Odinga nubwo mu minsi ishize yavanye candidature ye mu matora, ngo kuri iyi nshuro ashobora kwisubiraho agahatana mu matora mu gihe akanama gashinzwe gutegura aya matora kaba kitaye ku mpungenge yakagaragarije zirimo kuvugurura amwe mu mategeko y’amatora ndetse no guhindura bamwe mu bayobozi b’aka kanama.
Bwana Odinga yabonanye na Chabukat nyuma y’aho avugiye ko hadashobora kuba amatora yizewe mu gihe ibintu byaba bigumye uko biri kugeza ubu.
Ibi byose byagwiriye igihugu cya Kenya nyuma y’aho urukiko rukuru rwa Kenya rutesheje ahgaciro amatora yari yabaye mbere mu kwezi kwa 8 ku itariki ya 08 ruvuga ko yabayemo uburiganya ari nabwo rwahise rutegeka ko aya matora agomba gusubirwamo ku itariki ya 26 z’uku kwezi n’uyu mwaka.

PNG - 557.1 ko
Umuyobozi w’akanama gashinzwe gutegura amatora muri Kenya, IEBC bwana Wafula Chebukat uvuga ko amatora adashobora kugenda neza mu gihe nta gihindutse


Bwana Odinga yari yamaze kwikura muri aya matora ariko nyuma yo kubonana n’ubu buyobozi bw’aka kanama gategura amatora kuri uyu munsi akaba yavuze ko ashobora kuzayitabira mu gihe impungenge ze zaramuka zivuyeho.
Perezida wa Repubulika ya Kenya, Uhuru Kenyatta we akomeje gushimangira ko amatora azaba mu cyumweru gitaha nta cyayabuza kuba mu mucyo kandi ko we nta kibazo afite azaba yanamaze kwiyamamaza mu gihugu cyose.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo