Ingengo y’imari ikoreshejwe neza bigira ingaruka nziza ku bana

Umuryango Save Children Rwanda uri gufasha imiryango itari iya leta kumenya gusesengura ingengo y’imari mugufasha gutanga no kumenya uko yakora ubuvugizi mukongera ingengo y’imari igenerwa abana.

Amahugurwa y’iminsi itatu agamije kongerera ubumenyi imiryango itegamiye kuri Leta, kumenya neza gusesengura imikoreshereze y’ingengo y’imari no kumenya uburyo yakora ubuvugizi kuburenganzira bw’abana aho biri ngomba.

Nubwo hakiri ibibazo bitandukanye mu kubahiriza uburenganzira bw’umwana, ngo ibibazo byinshi biri kubonerwa ibisubizo ukurikije n’ibyo baba babonye.

Ingengo y’imari ikoreshejwe neza bigira ingaruka nziza; iyo n’abo igenerwa babigizemo uruhare bakaba bazi imikoreshereze yayo.

Abari guhugurwa bazagira uruhare rugaragara mugukora ubuvugizi, kongera ibitekerezo by’icyakorwa ngo hongerwe ingengo y’imari igenerwa abana.

Gukora ubuvugizi si ikintu wahita uvugango tugeze aha, kuko uyu munsi ushobora kuba uri kuvugango turwane n’uko abana bajya mu ishuri ariko haba hari ibindi biza inyuma nabyo bikeneye ko ubikora. Ibi nibimwe mubyatangajwe na Sibomana Marcel ushinzwe guteza imbere uburenganzira bw’abana muri Save children abivuga.

Ati “Gukora ubuvugizi si ikintu wahita uvugango tugeze aha, kuko uyu munsi ushobora kuba uri kuvugango turwane n’uko abana bajya mu ishuri ariko haba hari ibindi biza inyuma nabyo bikeneye ko ubikora.”

Akomeza avuga ko hari ibibazo bakemuye ubwo uyu muryango watangiraga gukorera mu Rwanda n’ubwo ibibazo bigihari ariko bazakomeza gukora ubuvugizi ku bana bagihura n’ imbogamizi ahanini usanga batitabwaho ngo uburenganzira bwabo bwubahirinzwe.

Kugirango iyi miryango ikore ubuvugizi neza birasabo ko imiryango itegamiye kuri leta imenya neza imikoreshereze y’ingengo y’ imari.

Yagize ati “ akenshi usanga iyo imiryango itari iya Leta iri gukora kuburenganzira bw’umwana biba aringenzi ko ibasha kumenya imikoreshereze y’ingengo y’imari kubera ko ingengo y’imari niyo ituma politike zitangukanye zireba abana zishyirwa mu bikorwa.”

Umuryango Save the Children ukorera mu bihugu bigera ku 120 harimo n’u Rwanda wa tangiye gukorera muri Africa mu mwaka w’ 1963 ibikorwa ukorera mu Rwanda biterwa inkunga na Union European (UE) .
By NSENGIMANA Theoneste


Travel for Free!


Tanga igitekerezo kuri iyi nkuru



Igitekerezo