Impamvu Perezida Nkurunziza atitabiriye inama idasanzwe ya Afurika Yunze Ubumwe

Mu gihe mu Rwanda harimo kubera inama ya 10 idasanzwe ya Afurika Yunze Ubumwe (AU), u Burundi ntabwo bwayitabiriye, by’umwihariko Perezida wabwo akavuga ko umubano mubi bufitanye n’u Rwanda ari wo watumye butayitabira.

Learn how to Thrive

Urwandiko Perezida Nkurunziza yandikiye umuyobozi wa Komisiyo y’Umuryango wa Afurika Yunze Ubumwe, Moussa Faki Mahamat, ku wa 14 Werurwe 2018, arashima ko u Burundi bwatumiwe ndetse ko bwari bufite ubushake bwo kwitabira inama, bubuzwa n’aho yabereye.

Perezida Nkurunziza yamutangarije ko nta mutekano baba bizeye w’ababa bahagarariye u Burundi muri iyo nama, akavuga ko u Rwanda rwahaye ubuhunzi abashatse guhirika ubutegetsi bwe ku wa 13 Gicurasi 2015.

Ikindi kiri muri uru rwandiko Radio Ijwi rya Amerika yasomye inafitiye kopi, ari nayo dukesha iyi nkuru, Nkurunziza ashinja u Rwanda kurenga ku masezerano mpuzamahanga rwateyeho umukono, ngo rwigisha ibya gisirikare impunzi z’Abarundi zirimo n’abana ngo amahanga arebera ariko ntirubihanirwe.

Perezida Nkurunziza avuga ko amasezerano y’amahoro mu karere k’ibiyaga bigari yishwe mu ngingo ya 4, 5 na 8, abuza igihugu guha intwaro imitwe yitwaje intwaro bigamije guhungabanya umutekano w’ikindi gihugu.

Perezida Nkurunziza avuga ko u Rwanda rwishe amategeko y’umuryango w’ubumwe bwa Afurika, yashyizweho umukono mu 1969 abuza ko igihugu kiri muri uyu muryango cyakwemera ko impunzi zahungiye ku butaka bwacyo zijya mu bikorwa byahungabanya umutekano w’igihugu kiri muri uyu muryango.

Perezida yasoje urwandiko agaragaza ko izi mpungenge zitamwemerera gukandagiza ikirenge ku butaka bw’u Rwanda cyangwa abandi bamuhagararira ngo kubera ko nta mutekano baba bizeye wabo, yizeye neza ko byashakirwa umuri muri uyu mwaka wa 2018.

Kuva mu mwaka wa 2015, ubwo mu Burundi hitegurwaga amatora y’umukuru w’igihugu ndetse na Nkurunziza yitegura kwiyamamaza kuri manda ya gatatu Abarundi batavugagaho rumwe, nibwo Leta y’u Burundi yatangiye gushinja ibyaha bitandukanye birimo ibiri muri uru rwandiko.

Leta y’u Rwanda yagiye ibihakana yivuye inyuma by’umwihariko igatangaza ko ibyo u Burundi bushinja u Rwanda nta kimenyetso na kimwe kibigaragaza.

@Umubavu.com


Travel for Free!


Tanga igitekerezo kuri iyi nkuru



Igitekerezo
-xxxx- Kuya 22-03-2018

Baganire barebe neza uko ikibazo cyakemuka mu mahoro ! Bashake abahuza beza batabogama bafashe abayobozi bacu. Ntawatoye kuba aho ari ni Imana yabikoze.Ikiduhuza kiruta ikidutanya.Amahoro kuri twese. Murakoze