Ibintu 10  Leta y’u Burundi yita ibinyoma yabeshyewe

Umuvugizi wa Reta y’Uburundi, Firipo Nzobonariba, ari kumwe na Jean Claude Karerwa Ndenzako umuvugizi w’umukuru w’igihugu cy’u Burundi Petero NKURUNZIZA, Willy Nyamitwe akaba n’umujyanama mukuru ushinzwe gutangaza amakuru mu biro by’umukuru w’igihugu, n’abandi bavugizi b’inzego zitandukanye z’igihugu ku mugoroba wo ku wa Gatatu tariki 25 Ukwakira 2017 bagejeje ku banyagihugu ikiganuri bise ’’Ibinyoma icumi u Burundi bwabeshyewe’’.

Iki kiganiro kikaba cyarabaye hasigaye amasaha make kugira ngo u Burundi buve mu Rukiko Mpuzamahanga mpanabyaha (CPI) kuko kuri uyu wa Gatanu tariki 27 Ukwakira aribwo iki gihugu kiva muri uru rukiko.

Abo bavugizi bavuze ko ibyo bise ibinyoma byakwirakwiijwe n’Umuryango w’Ubumwe bw’Uburayi, amwe mu mashirahamwe mpuzamahanga aharanira aharanira uburenganzira bwa muntu hamwe ndetse na bimwe mu bitangazamakuru byaba ibyo mu Burundi cyangwa ibyo mu bindi bihugu.

Firipo Nzobonariba, umuvugizi wa Leta y’u Burundi yavuze ko icyo kiganiro cyateguwe hagandewe ku mvugo igira iti "Ukuri guca mu ziko ntigushye"

Ibintu 10 Leta y’u Burundi yita ibinyoma yabeshyewe

1. Amasezerano y’i Arusha ntiyubahirizwa mu Burundi Anicet MAHORO, Umujyanama mu biro bya Visi Perezida wa Mbere mu Burundi, yasobanuye ko abanyapolitiki kenshi bagiye bitwaza aya masezerano kandi kandi benshi mu ribo bari banze kuyashyiraho umukono. Anicet Mahoro avuga ko inzego zihari zubahiriza amoko hamwe no guhagararirwa kuri bose.

2. Jenoside : Evelyne MANIRAGABA, umuvugizi wa Visi Perezida wa Mbere mu Burundi avuga ko ibya Jenoside byatangiye kuvugwa n’ihuriro ADC IKIBIRI rihuriwemo n’abatavuga rumwe n’ubutegetsi bw’u Burundi.

Uyu muvugizi wa Visi Perezida Gaston Sindimwo avuga ko n’amashirahamwe mpuzamahanga nka FIDH yagiye avuga ko mu Burundi harimo hategurwa Jenoside , ariko ko ari ikinyoma.

3.Ibyobo rusange byo guhambambo ubwoko bumwe bw’abatutsi bishwe muri Jenoside yateguwe na Leta : Petero NKURIKIYE, Umuvugizi w’igipolisi cy’u Burundi yavuze ko ko ibinogo byatangiye kuvugwa ko byacukuwe kugira bizahambwemo Abatutsi ari ibyo mu ntara ya Kirundo hamwe na Karusi.Kuri Petero Nkurikiye , ibyo binogo byari byateguriwe ibikorwa by’iterambere, nko kubika amazi yo kuvomera imirima.

4.Imibare y’impunzi z’Abarundi : Therence NTAHIRAJA, umuvugizi wa Minisiteri y’Umutekano mu gihugu avuga ko imibare itangwa y’impunzi z’Abarundi atariyo kuko n’abahunguka badakurwa muri iyo mibare.Kuri we ngo imibare y’impunzi z’Abarundi itangwa n’imiryango ishinzwe impunzi ari mu rwego rwo kwerekana ko mu Burundi ibintu byadogereye.

Therence Ntahiraja yemeza ko hari Abarundi barenga ibihumbi 180 bahungutse bava my nkambi y’impunzi y’i Mahama mu gihugu cy’u Rwanda, ariko batavugwa.

5.« Gukura amenyo », « Gutera urushinge », "Ba rukoti". Espérance NDAYIZEYE, umwe mu bashinzwe gutangaza amakuru mu biryo bya Prezida Pierre NKURUNZIZA avuga ko ibyo ari ibinyoma bitegurwaga n’abarwanya ubutegetsi imbere y’amatora, kugira ngo abantu bahunge, byitirirwe ubutegetsi.

6.Gucamo ibice igisirikare cy’u Burundi : Colonel Gaspard BARATUZA, umuvugizi w’igisirikare cy’u Burundi avuga ko abacamo ibice abashinzwe umutekano bavuga ko abahoze mu gisirikare cya kera bagizwe ahanini n’abatutsi bahohoterwa, bakumvisha abasirikare bari mu butumwa bw’amahoro mu bindi bihugu ko batashye mu Burundi bazahita bafungwa. Colonel Baratuza avuga ko hari bamwe mu basirikare boherejwe mu butumwa bw’amahoro mu bindi bihugu birirwa bashinjwa ibyaha babeshyerwa
ngo kuri we ngo ibi byaba babishinjwa n’abashaka gucamo ibice igisirikare.

7.Urubyiruko rw’Imbonerakure rwiswe Abarwanyi "Milice". Doriane MUNEZERO, umwe mu bashinzwe gutangaza amakuru mu biro bya Perezida avuga ko ibishinjwa
Imbonerakure za CNDD-FDD byubakiye ku kinyoma by’imiryango iharanira uburenganzira bwa muntu ivuga ko Imbonerakure zijya muri Repubulika Iharanira Demokarasi ya Congo guhabwa imyitozo ya gisirikare .

Ku bwa Doriane MUNEZERO abashinja izo Mbonerakure ko ari Abarwanyi, bashatse guhera ku rubyiruko kuko ariho hari imbaraga z’igihugu, n’iz’Ishyaka riri ku butegetsi CNDD FDD.

8.Imipanga yatanzwe kugira izakoreshwe muri Jenoside : Flora KANYANGE wo mu biro yy’umunyamabanga wa Leta y’u Burundi avuga ko iyo mipanga yari yatanzwe na Minisitero y’Ubuhinzi kugira ngo izakoreshwe muri gahunda zitandukanye z’iyi minisiteri.

9.Umukuru w’Igihugu ashinjwa kwigwizaho imitungo cyane cyane mu mabanki yo hanze :

Icegeranyo giherutse gushyirwa ahagaragara n’ihuriro ry’abanyamakuru bakora iperereza « PANAMA Papers », kivuga ko umukuru w’igihugu Petero NKURUNZIZA yabitse mu mabanki yo hanze amafaranga y’amarundi agera ku miliyoni zirenga 450 z’amayero , mu mitungo itazwi iyo yavuye (Enrichissement illicite). Jean Claude Karerwa Ndenzako, umuvugizi w’umukuru w’igihugu Petero NKURUNZIZA avuga abavuga ibi ari abashaka gucuragiza abarundo. Ku bwa Karerwa, ibikorwa by’umukuru w’igihugu abikorera mu Burundi, agatanga n’akazi ku Barundi.

10. Kwica abandi hamwe n’ukubashimuta kugira bishinjwe Leta y’u Burundi

Petero NKURIKIYE, umuvugizi w’igipolisi cy’u Burundi avuga ko hari abica abantu cyangwa bakabashimuta nyuma amashusho y’abo bantu agakwirakwizwa ku mbuga nkoranyambaga ashinja Leta y’u Burund ko ariyo yabikoze..

Kubwa Petero Nkurikiye, abo bakwirakwiza ayo mashusho nibo baba bishe cyangwa bashimuse abo bantu kugira ngo basebye Leta y’u Burundi nk’uko byagarutsweho n’ibitangazamakuru bitandukanye byo mu Burundi.

Gabriel Habineza/Umubavu.com



Tanga igitekerezo kuri iyi nkuru



Igitekerezo
uwishema diane Kuya 19-11-2017

Kobatubwirako dosiye yuntu itinzeurabaza twaba ntibadusubize

uwishema diane Kuya 19-11-2017

Kobatubwirako dosiye yuntu itinzeurabaza twaba ntibadusubize