Ibihugu birenga 24 bimaze guhambiriza Aba-diplomates b’u Burusiya

Nyuma yuko u Burusiya bukoresheje ubumara bwa gisirikare bushaka kwica uwahoze akorera inzego z’ubutasi z’iki gihugu n’umukobwa wiwe i Salisbury kuri ubu bikomeje kugenda bigira ingaruka mu mibanire y’ibihugu bikomeye. Theresa May w’u Bwongereza yari yabwiye Vladmir Putin ko iki gikorwa kizagaruka u Burusiya, kugeza ubu ibihugu bigera kuri 24 bimaze kwirukana abakoreraga u Burusiya iwabo.

Learn how to Thrive

Byose byiyunze ku Bwongereza bwatangije iki gikorwa bwirukana 23 bwitaga intasi z’u Burusiya iwabo. Kugeza ubu abakozi mu butasi bw’u Burusiya mu mahanga bagera ku 130 bamaze kwirukanwa mu bihugu 24. Birimo 16 by’Iburayi nk’uko bivugwa na AFP.

Trump yategetse ko birukana ku butaka bwa Amerika abagera kuri 60, barimo 12 bakoraga muri UN, ubu banafunze ‘consulat’ y’u Burusiya muri Seattle.

Ibihugu by’u Budage, u Bufaransa, Poland birirukana nibura bane (4) mu barusiya, Lithuania, Czech Republic, Denmark, u Butaliyani, u Buholandi, Spain, Latvia, Romania, Croatia, Hungary na Estonia ni iby’Iburayi byamaze kubirukana.

PNG - 804.5 kb
Ibihugu by’i Burayi byifatanije na Amerika mu guhangana n’u Burusiya


Canada, Norway, Macedonia, Ukraine, Sweden, Finland, Albania, u Bubiligi na Ireland ndetse na Australia nabyo biri kumwe n’u Bwongereza.

Nibwo bwa mbere igikorwa nk’iki kibayeho ku Burusiya ibihugu bikayifatira ibyemezo hamwe gutya.

Theresa May ejo yavuze ko ibi bigaragaza ubufatanye mu kwereka Kremlin ko idashobora gukomeza guhonyora amategeko mpuzamahanga isi irebera.

PNG - 906.7 kb
Theresa May yari yabwiye Perezida Putin ko ibyo bakoze bizabagiraho ingaruka


Yagize ati “Ubutegetsi bwa Perezida Putin buri gukora ibikorwa by’ubushotoranyi ku mategeko aduhuza no ku nyungu zacu nk’umugabane no kurenga aho.

Niba intego ya Kremlin ari ugutatanya ukwishyirahamwe kwacu ubwo bazabona ingaruka zabyo.”

PNG - 218.4 kb
Ibihugu bimaze kwirukana abakorera u Burusiya mu butasi


Dmitry Peskov, umuvugizi wa Kremlin yavuze ko Uburusiya buzasubizanya iki gikorwa ingingo yo “kugera mu kebo wagerewemo”

Umuvugizi wa Minisiteri y’Ububanyi n’amahanga y’u Burusiya we yavuze ko bibabaje kuba ibihugu biri gukurikira buhumyi umujinya w’u Bwongereza kandi nta bimenyetso bifatika ko u Burusiya bwagize uruhare mu kuroga Sergei Skripal, wabukoreraga mu butasi hamwe n’umukobwa we.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo