IKEA Foundation yahaye UNICEF Rwanda inkunga isaga Miliyari ebyiri

Umuryango IKEA Foundation wo muri Leta Zunze Ubumwe za Amerika watanze inkunga y’amafaranga y’u Rwanda asaga miliyari 2 na miliyoni 919 (miliyoni 3, 5 USD), Ishami ry’Umuryango w’Abibumbye ryita ku bana (UNICEF) rizifashisha mu gukomeza imirimo ryayo ifatanyije na Guverinoma y’u Rwanda na Sosiyete Sivile mu guhindura imirire y’abana haba mu miryango no mu bigo bitandukanye..

Leta y’u Rwanda ikomeje gushyira ingufu mu guteza imbere gahunda y’uburenzi kuri bose gusa mu mashuri abanza ndetse n’ayincuke imibare ikiri hasi nk’uko byagaragajwe mu ibarura ryakozwe n’ikigo cy’ibarurisha mibare mu mwaka wa 2014-2015 aho ryagaragaje ko 13% by’abana bari hagati y’imyaka 3-6 aribo bagerwaho n’izi gahunda.

Leta y’u Rwanda nyuma yo kubona ko hakomeje kugaragara ikibazo cy’imikurire ku bana yashyizeho gahunda y’amarerero ndetse UNICEF ikaba ari umufatanyabikorwa ukomeye muri iyi gahunda.

Bityo iyi nkunga ikaba izafasha UNICEF gufasha Leta y’u Rwanda gukuraho imbogamizi ku burere bw’umwana haba mu miryangp avukamo ndetse no mu bigo bitandukanye.

Uhagarariye UNICEF, Ted Maly avuga ko kuri Guvernoma y’u Rwanda imvugo yabaye ingiro mu gushiraho ibigo birererwamo abana bizwi nka ECD (Early Childhood Development Centers).

Ati “Ibimanyetso bigaragaza ko 80% by’ubwonko bw’umwana bukura kuva akivuka kugeza ku myaka 3.Abana bakene kwitabwaho ku buryo bwihariye bakiri bato kugira ngo badatakaza ubushobozi bwo gutera imbere mu gihe cyabo kizaza’’

Iti nkuga ya IKEA kandi ikaba izifashishwa mu kongera amarerero iyi gahunda ngo ikaba izanareba ku bita kuri aba bana,guhindura imirire ikarushaho kuba myiza ,gahunda zo kurinda umwana aho izagera ku.

Umuyobozi ushinzWe ibikorza muri IKEA Foundation , Vivek Singh yavuze ko uyu muryango wizera ko umwana afite uburenganzira bwo kubaho neza ,akabona uburezi bufite ireme byose bikaba bigomba gutangira akivuka.

IKEA Foundation ni imwe mu masosiyete akomeye ku rwego rw’ Isi ikora ibikoresho bitandukanye bikoreshwa nzu zo guturamo, mu biro n’ahandi ukaba ufasha kandi mu bikorwa byo kwita ku bana harimo uburere bufite ireme, ubuzima bwiza,imirire ndetse no kubarinda ihohoterwa.

Umubavu.com



Tanga igitekerezo kuri iyi nkuru



Igitekerezo