Grace Mugabe yamaze guhungira muri Namibia

Umwe mu badepite ukomoka mu mashyaka atavuga rumwe n’ubutegetsi muri Zimbabwe, Eddie Cross yabwiye BBC ko azi neza ko umugore wa Perezida Mugabe, Grace yahungiye mu gihugu cya Namibia.

Eddie Cross usanzwe ari umwe mu banyapolitiki bakomeye muri Zimbabwe akabarizwa mu ishyaka rya Movement for Democratic Change (MDC), yavuze ko azi neza ko Grace yemerewe n’igisirikare kuva mu gihugu ejo mu gihe cya nijoro.

Eddie Cross yakomeje avuga ko Grace Mugabe atari afite ahantu henshi yahungira nyuma yaho yari anakurikiranyweho gukubita umugore ukora mu by’imideri wo muri Afrika Yepfo. Gusa kuri ubu igisirikare ntikiremeza ayo makuru.

PNG - 840.2 ko
Grace Mugabe yambikana impeta na Robert Mugabe muri 1996


Nyuma yaho abasirikare bafatiye radiyo na televiziyo by’igihugu ZBC, Maj Gen Sibusiso Moyo yavuze ko igisirikare cyipfuza kwizeza igihugu ko nyakubahwa umukuru w’igihugu hamwe n’umuryango we bakomeye kandi ko n’umutekano wabo umeze neza.

Maj Gen Sibusiso Moyo yagize ati “Dushaka gusa inkozi z’ikibi zatumye igihugu kigwa mu bibazo by’umubano n’ibindi bihugu ndetse n’ibibazo by’ubukungu byugarije igihugu".

Uwitwa Nick Mangwana, usanzwe ahagarariye ishyaka Zanu-PF mu Bwongereza, yabwiye BBC ko nawe ubwe yamenye amakuru ko Grace atakiri mu gihugu cya Zimbabwe.

PNG - 557 ko
Grace Mugabe asanzwe ari umunyapolitiki ukomeye muri Zimbabwe


Bwana Mangwana yavuze kandi ko muri politike ya Zanu-PF, Grace Mugabe ari umuntu wo hasi cyane adafite icyo yavuga kijyanye n’ishyaka.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo