Gen Muntu  yavuze  ko  Perezida Museveni yiyambitse ubusa

Umuyobozi w’Ishyaka rya FDC ritavuga rumwe n’ubutegetsi bwa Perezida Museveni ,Gen Mugisha Muntu avuga ko ibikomeje kubera muri Uganda bigaragaza ubugugu bwa Museveni mu gushaka kugundira ubutegetsi.

Mu nama yamuhuje n’abahagarariye Ishyaka rya FDC mu Turere dutandukanye ,Gen Muntu yavuze ko yafatanyije na Museveni urugamba rw’ishyamba rwari rugamije kugira Uganda igihugu cyiza ariko ngo yaje gutengura abo bafatanyije uru rugamba bose.

Muri iyi nama yabereye mu Karere ka Ntungamo muri Embassy tours hotel kuri uyu wa Gatatu tariki 19 Ukwakira 2017, Gen Muntu yasobanuye uburyo Museveni yabatengushye kandi bari bamwezeye nk’uko bitangazwa na Daily Monitor dukesha iyi nkuru.

Ati “Twafatanyije urugamba ariko we ari afite gahunda ye yihariye.Isura ye nyayo yaragaragaye.Bibiliya ivuga ko tuzababonera ku mbuto bera.Ubwe yiyambitse ubusa buri buri.Yambaye ubusa neza neza.Twe(Abatavuga rumwe n’ubutegetsi ) tugomba kwitegura ku buryo nituramuka tugewe ku butegetsi tutazakora nk’ibyo yakoze’’

Gen Muntu akaba yarasoje avuga ko amajwi menshi akomeje kumvikana asaba ko ibyo guhindura imyaka yagenwe ngo umuntu yemererwe kuyobora Uganda byahagarara ndetse ko n’abatavuga rumwe n’ubutegetsi bavuga Museveni ntiyumve.

Muri Uganda hakomeje imyigaragambyo mu nzego zitandukanye yamagana ko Ingingo y’Itegeko Nshinga igena imyaka umuntu atagomba kurenza ngo yemerewwe kuyobora Uganda ihindurwa bityo Perezida Museveni akaba yakongera kwiyamamariza kuyobora iki gihugu.

Gabriel Habineza/Umubavu.com



Tanga igitekerezo kuri iyi nkuru



Igitekerezo