Diane Rwigara yitabye wenyine ntiyaburanishwa

Kuri uyu wa Kabiri tariki 7 Ugushyingo 2017, Diane Rwigara yitabye urukiko rukuru ngo aburanishwe mu bujurire ku bijyanye n’ifungwa n’ifungurwa ry’agateganyo, nyuma y’uko yari yakatiwe gufungwa by’agateganyo iminsi 30 mu gihe iperereza ku byaha akurikiranyweho rikomeje. Yitabye urukiko atambaye imyenda ye isanzwe, kuko noneho yari yambaye impuzankano y’ibara ry’irosa yambarwa n’ifungwa.

Kuwa Mbere tariki 23 Ukwakira 2017, nibwo hasomwe urubanza ku ifungwa n’ifungurwa ry’agateganyo, ruregwamo Mukangemanyi Adeline Rwigara, Uwamahoro Anne Rwigara na Diane Nshimiyimana Rwigara, umucamanza yemeza ko babiri mu baregwa bagomba gufungwa iminsi 30 y’agateganyo mu gihe iperereza rikomeje ngo hazabone gutangira kuburanisha urubanza mu mizi, naho umwe we asabirwa gufungurwa agakurikiranwa ari hanze.

Abacamanza bagaragaje ko Mukangemanyi Adeline Rwigara na Diane Nshimiyimana Rwigara, hari impamvu zikomeye zituma bakekwaho ibyaha bashinjwa n’Ubushinjacyaha kandi bakagaragaza ko ibisobanuro batanze bidafite ishingiro. Urukiko kandi rwagaragaje ko bashobora gutoroka cyangwa gusibanganya ibimenyetso. Byarangiye urukiko rutegetse ko aba bafungwa iminsi 30 y’agateganyo mu gihe iperereza rigikomeje. Aba bombi bahise bajuririra iki cyemezo. Ubujurire bwa Diane Rwigara, kuri uyu wa Kabiri nibwo bwaburanishijwe mu rukiko rukuru.

Mu iburanisha ryo kuri uyu wa Kabiri, Diane Rwigara yitabye urukiko atariki kumwe na nyina Mukangemanyi Adeline Rwigara. Me Buhuru Pierre Celestin wunganira Diane Rwigara nawe ntiyabonetse mu rukiko. Diane Rwigara yasabye urukiko ko urubanza rwasubikwa kuko ataburana atari kumwe n’umwunganira, kuko ngo yari afite urundi rubanza yagiyemo.

Me Gatera Gashabana wunganira Mukangemanyi Adeline Rwigara, we yageze mu rukiko avuga ko uwo yunganira arwaye, ndetse uregwa yanditse ibaruwa isobanura iby’uko atabonetse kubera uburwayi, ngo yararembye ntiyashobora kugera mu rukiko. Me Gatera yasabye ko nawe umukiriya we ataburanishwa kuko atabonetse, ko urubanza rwasubikwa.

N’ubwo urukiko rwasanze ibaruwa ya Mukangemanyi Adeline Rwigara atari ikimenyetso gihagije cyerekana uburwayi bwe ndetse n’Ubushinjacyaha bukaba bwemeye ko urubanza rwasubikwa, Urukiko rwanzuye ko ruzaburanishwa tariki 16 Ugushyingo 2017.

JPEG - 69.3 ko
JPEG - 93 ko
Abavandimwe be barimo Anne Uwamahoro Rwigara bari bafunganywe bari bari ku rukiko


Source ukwezi.com



Tanga igitekerezo kuri iyi nkuru



Igitekerezo
paty Kuya 7-11-2017

uruni urubanza rwomuri Africa kdi ibyo muri Africa mbona bisa nezaaa nezaa Africa ni Africa mureke abera badutegeke cg batuyobore kuko umukene ntafata umwanzuro munama thx

paty Kuya 7-11-2017

uruni urubanza rwomuri Africa kdi ibyo muri Africa mbona bisa nezaaa nezaa Africa ni Africa mureke abera badutegeke cg batuyobore kuko umukene ntafata umwanzuro munama thx

paty Kuya 7-11-2017

uruni urubanza rwomuri Africa kdi ibyo muri Africa mbona bisa nezaaa nezaa Africa ni Africa mureke abera badutegeke cg batuyobore kuko umukene ntafata umwanzuro munama thx

paty Kuya 7-11-2017

uruni urubanza rwomuri Africa kdi ibyo muri Africa mbona bisa nezaaa nezaa Africa ni Africa mureke abera badutegeke cg batuyobore kuko umukene ntafata umwanzuro munama thx

paty Kuya 7-11-2017

uruni urubanza rwomuri Africa kdi ibyo muri Africa mbona bisa nezaaa nezaa Africa ni Africa mureke abera badutegeke cg batuyobore kuko umukene ntafata umwanzuro munama thx

paty Kuya 7-11-2017

uruni urubanza rwomuri Africa kdi ibyo muri Africa mbona bisa nezaaa nezaa Africa ni Africa mureke abera badutegeke cg batuyobore kuko umukene ntafata umwanzuro munama thx

paty Kuya 7-11-2017

uruni urubanza rwomuri Africa kdi ibyo muri Africa mbona bisa nezaaa nezaa Africa ni Africa mureke abera badutegeke cg batuyobore kuko umukene ntafata umwanzuro munama thx