Clarisse umuyobozi w’akarere wungirije mu karere ka Nyabihu amagambo yavuze ashobora ku mukoraho

MUKANSANGA Clarisse umuyobozi w’akarere wungirije mu karere ka Nyabihu ushinzwe imibereho myiza y’abaturage yanze gufata buji mu gihe cyo Kwibuka abazize jenoside yakorewe abatutsi mu Rwanda 1994 bivugwa ko yaba yavuze ko yahabwa abafite ababo bibuka ariko ibyo yatangarije itangazamakuru yivuze ko ntabyo yavuze ari ko ari inshingano ze gufasha abaturage ko atafata ikintu abandi batarabifata nk’umuyobozi.

Umuyobozi w’akarere wungirije mu karere ka Nyabihu akaba anakomoka mu ishyaka rya PSD (umutwe wa politike) yavuze amagambo atashimishije abantu aho basaba ko yakurikiranwa. Juru Anastasie peresida wa Ibuka mu karere ka Nyabihu yabwiye flash ko bagiye ku bikurikirana ndetse nabo bakorana bakazabimubaza.
Kanda hano kuri videwo wumve ibyo yavuze

Juru Anastasie peresida wa Ibuka mu karere ka Nyabihu yabwiye flash redio ko nawe yabyumvishije mu gitondo ko ngo bagiye kubikurikirana, yagize ati, “ ariko nabyumvishije bwari bumaze gucya ariko bibaye aribya, ntabwo byaba aribyo. Kuko nk’umuyobozi ntabwo akwiye kwanga kwakira urumuri rw’ikizere ntabwo yakabaye avuga ngo nibabanze bahe bariya bibuka. Tugiye kubanza turebe abayimuhaye ariko ko n’uburyo yayanze noneho twe tumwegere tumubaze ariko ntabwo aritwe tuzamubaza afite abo bakorana tuzamwegera tumubaze igituma adafata buji nk’abandi.”

Meya w’akarere ka Nyabivu bwana Uwanzwenuwe Theoneste yavuze ko icyo kibazo atakizi ariko ko aho abanyarwanda bageze ntawagakwiye kuvuga ibintu nk’ibyo ariko bibaye aribyo uwabivuze ngo ya kurikiranwa kugiti cye.

Yagize ati, “Ndagirango nkumenyeshe ko icyo kibazo ntarinkizi kuko aho abanyarwanda bageze ntekereza ko ntawatinyuka gukora ikintu nk’icyo ngicyo gusa bibaye aribyo yakurikiranwa kugiti cye.”

MUKANSANGA Clarisse umuyobozi w’akarere wungirije mu karere ka Nyabihu ushinzwe imibereho myiza y’abaturage amagambo yavuze azaniwe buji ngo yayavuze ashaka ko abaturage babanza bakabona buji kuko ngo biri mubyo ashinzwe avuga ko ngo ntampamvu yo kubyibazaho.

JPEG - 40.4 ko
Amagambo yavuze azaniwe buji MUKANSANGA Clarisse umuyobozi w’akarere wungirije mu karere ka Nyabihu ushinzwe imibereho myiza y’abaturage

Yagize ati, “ Oya ntabyo navuza navuze ngo hari abantu benshi batazifite hirya yacu babanze bazibahe, nabonaga hari abantu benshi badafite buji ndavuga ngo tubanze tuzibahe kandi n’abandi bose twabanje kuzibaha kugira ngo bazikwirwe kandi nibyo nshinzwe abo babibonye bakabifata nabi sibyo babifashe uko bitari, ahubwo bari gukomereka birenze iyo baza kubona hari abazifite abandi batazifite."

Yakomeje avuga ko abakomeretse atari byo kuko nk’umuyobozi w’akarere ntabwo ngo yagombye gufata iyambere gufata service kandi abona hari abandi batayifite.

Amategeko asobanura ingengabitekerezo ya jenoside nk’igikorwa gikozwe ku bushake kibereye mu ruhame byaba mu magambo, mu nyandiko, mu mashusho cyangwa ku bundi buryo cyatuma umuntu agaragaraho imitekerereze ishingiye ku moko, idini, ubwenegihugu cyangwa ibara ry’uruhu hagamijwe kwimakaza ikorwa rya jenoside cyangwa gushyigikira jenoside.

Ingingo ya 135 mu gitabo cy’amategeko ahana cy’u Rwanda, iteganya ko umuntu wese ukoze icyaha cy’ingengabitekerezo ya jenoside n’ibindi byaha bifitanye isano na yo ahanishwa igifungo kirenze imyaka itanu kugeza ku myaka icyenda n’ihazabu y’amafaranga y’u Rwanda kuva ku bihumbi ijana kugeza kuri miliyoni imwe.
By Nsengimana Theoneste



Tanga igitekerezo kuri iyi nkuru



Igitekerezo
NDAHIMANA THEOPHILE Kuya 18-04-2018

NTIYABIVUGA NK’UMUYOBOZI USHINZWE IMIBEREHO MYIZA Y’ABATURAGE

NDAHIMANA THEOPHILE Kuya 18-04-2018

NTIYABIVUGA NK’UMUYOBOZI USHINZWE IMIBEREHO MYIZA Y’ABATURAGE

THEO Kuya 14-04-2018

TAYARI