Bitunguranye, Intara ya Catalonia igiye kuyoborwa na Leta ya Espagne

Kuri uyu wa mbere tariki ya 30 Ukwakira 2017 nibwo Leta ya Espagne ifite ikicaro mu mugi wa Madrid iratangira kugenzura inzego z’ubutegetsi z’intara ya Catalonia nyuma yo kuvanaho leta n’inteko nshingamategeko byayo.

Carles Puigdemont wayoboraga iyi ntara yasabye abayituye bose kwigomeka mu mahoro ku butegetsi bwa Espagne.

PNG - 913.7 ko
Abigaragambya mu mihanda bamagana iki cyemezo


Amwe mu mashyirahamwe y’abakozi n’abanyeshuri yavuze ko ashobora gukora imyigaragambyo ikaze nyuma y’iki cyemezo.

PNG - 704.1 ko
Carles Puigdemont wari umuyobozi w’intara ya Catalonia


Kugeza ubu ntabwo bigaragazwa neza uko iyi ntara izajya ikora mu minsi iri imbere.
Kuri ubu amaso ahanzwe ahari ikicaro cya leta yayo kugirango abantu barebe niba Bwana Puigdemont aza ku kazi nk’ibisanzwe nyuma y’iki cyemezo cya Leta ya Espagne.

Ni nyuma yuko Carles Puigdemont atewe ubwoba ko ashobora gutabwa muri yombi nyuma yo guhamagaza amatora ya kamarampaka atari yemewe n’amategeko.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo