Bidasubirwaho Donald Trump yemeje Yerusaremu nk’umurwa mukuru wa Isirayeri

Atitaye ku byifuzo bya bamwe na bamwe bamusabaga kutemeza Yerusaremu nk’umurwa mukuru wa Isirayeri, mu ijambo yavugiye kuri White House, Perezida wa Leta Zunze Ubumwe za Amerika, Donald Trump yamaze kwemeza Yerusaremu nk’umurwa mukuru w’igihugu cya Isirayeri.

Iyi ngingo yo kuri uyu wa gatatu igiye mu mateka kuko ihinduye politike ya Amerika ku kibazo cy’uyu mujyi urwanirwa n’impande ebyiri.

Umukuru w’igihugu kandi yatangaje ko ibi bigiye gutuma Ambasade ya Amerika yimurwa aho yabaga mu mujyi wa Tel Aviv ikajya I Yerusaremu.

Yavuze ko iyo ngingo itagamije kwerekana ko Amerika itazongera gushyigikira inzira y’amahoro arambye mu burasirazuba bwo hagati.

Yavuze ko yiteguye gushyigikira ishingwa rya Leta ebyiri nk’umuti wo gukemura ikibazo kimaze imyaka n’imyaniko hagati ya Isirayeri na Palestine mu gihe impande zombi zaba zibishaka.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo