Abaturage baranenga abahesha b’inkiko gutesha agaciro imitungo yabo

Bamwe mu baturage baravuga ko babangamiwe no kuba hari bamwe mubahesha b’inkiko birengagiza inshingano zabo maze bagatesha gaciro ingwate mugihe cyo guteza cyamura, bityo umuturage akabihoberamo.

Ni ikibazo aba baturage bavuga ko kibatera ubwoba bwo kwaka inguzanyo ,ngo ni ibisanzwe ko umuntu yaka inguzanyo rimwe na rimwe kuyishyura bikamunanira, birumviakana ko habaho guteza cyamura ingwate kugirango banki yiyishyure.

Aha niho abaturage bavuga ko harubwo abahesha b’inkiko bitwaza icyo cyuho maze bagatesha agaciro ingwate y’umuntu ikagurishwa kumafaranga make nyamara yakagombye kugurishwa arenzeho bityo n’umuturage akagira icyo asigarana.
Aba baturage bashinja abahesha b’inkiko ko bishyiriraho igiciro cyabo bakarenzaho ayabo kuko ibyo kuvuga agaciro nyako k’inzu ntacyo biba bibabwiye.

Ariko ku ruhande rwa minisiteri y’ubutabera ivuga ko ikunze kucyumva muri raporo ihabwa , gusa ngo kugirango gikemuke , n’uko hakwiye kubaho gukurikirana bityo n’uwabikoze bikamugiraho ingaruka,Minisiteri w’ubutabera Johnston Businjye yabwiye Isango Star ko hari hari ingaruka zikomeye zigera kuri aba bantu baba barenze ku mategeko bagakora ibikorwa byo gutesha agaciro umutungo w’umuntu kugirango bakuremo amaronko.

Ubusanzwe abahesha b’inkiko bibumbiye murugaga rubahuza ndetse rugakurikirana imyitwarire yabo ya buri munsi , none bo iki kibazo barakivugaho iki ?
Maître Habimana Vedaste akaba umuyobozi w’urugaga rw’abahesha b’inkiko yavuze ko bishoboka ko abantu bose bataba abatagatifu akaba ariyo mpamvu bifuza gufasha abahesha b’inkiko hakabaho serivisi izajya ikurikirana ibyamunara bizajya biba byabaye mu rwego rwo kwishyura ingwate bityo bikazafasha minisiteri ndetse n’urugaga rw’abahesha b’inkiko kumenya neza ukuri kuri icyo kibazo.

Kugeza ubu urugaga rwabahesha b’inkiko babigize umwuga , harabarurwamo abahesha b’inkiko basaga maganatanu,imirimo y’uru rugaga yatangiye mu mwaka wa 2011 , icyo gihe harimo abahesha b’inkiko mirongo itanu nababiri bonyine.



Tanga igitekerezo kuri iyi nkuru



Igitekerezo