Abarwanyi 51  ba M23 bishyikirije  ingabo za Congo kubera imibereho mibi

Ku wa Kabiri nibwo abarwanyi b’umutwe wa M23 bagera kuri kuri 51 bavuye muri Uganda bishyikiriza ku bushake Ingabo za Repubulika Iharanira Demokarasi ya Congo ahitwa i Bunagana mu Ntara ya Kivu y’Amajyaruguru.

Ku wa Gatatu tariki 18 Ukwakira 2017 nibwo aba barwanyi beretswe Itangazamakuru aho umuyobozi w’Igikorwa cya gisirikare cyiswe Sokola2 gishinzwe kurandura imitwe yose yitwara gisirikare iboneka ku butaka bwa Congo, Major Ndjije Kaiko yashimangiye ko aba barwanyi bahisemo kwishyikiriza izi ngabo kubera imibereho mibi aho bari mu nkambi hamwe n’abagenzi babo muri Uganda.

Kaiko akaba yaraboneyeho gusaba indi mitwe y’inyeshyamba ikomeje guteza umutakano muke ko yagera ikirenge mu cy’abarwanyi ba M23 kuko ngo ingabo za Congo ziri maso nk’uko bitangazwa na Radio Okapi.

JPEG - 71.6 ko
Umuyobozi wa M23,Sultan Makenga

Umutwe wa M23 washyize intwaro hasi mu Ugushyingo 2013 nyuma yo gutsindwa n’Ingabo za Congo zifatanyije n’iz’amahanga.

Kuva icyo gihe bamwe mu barwanyi b’uyu mutwe bakaba barahungiye mu Rwanda naho ikindi gice kinini gihungira Uganda.Bakaba bakomeje kwibutsa Leta ya Congo kwihutisha inzira yo kubasubiza mu buzima busanzwe ikabacyura mu gihugu nk’uko byari byemejwe mu masezerano y’i Nairobi ku ya 12 Ukuboza 2013.

Aya masezerano yagombaga gutanga imbabazi no gucyura abahoze ari abarwanyi bose ba M23 bahungiye muri Uganda, u Rwanda no mu Burundi.

Gabriel Habineza/Umubavu.com



Tanga igitekerezo kuri iyi nkuru



Igitekerezo
Wangube Kuya 20-10-2017

Ariko manayanjye ubu koko iyisi tujyamo cq turimo irerekezahe koko aba ba congomani buriya barumva batsinze intambara nimpunzi ibihumbi ziri mubihugu bihana imbibi Niki gihugu zitagira kivurira koko yewe ntibizoroha gusa byose Imana irikubireba.....

Wangube Kuya 20-10-2017

Ariko manayanjye ubu koko iyisi tujyamo cq turimo irerekezahe koko aba ba congomani buriya barumva batsinze intambara nimpunzi ibihumbi ziri mubihugu bihana imbibi Niki gihugu zitagira kivurira koko yewe ntibizoroha gusa byose Imana irikubireba.....