Abarundi bakomeje gusobanurirwa umushinga w’Itegeko Nshinga rishya

Mu gihugu cy’u Burundi hakomeje igikorwa cyo gusobanura Abarundi ibikubiye mu mushinga w’Itegeko Nshinga rishya bitegura kuzatora muri kamarampaka mu mwaka utaha wa 2018.

Itegeko Nshinga risanzwe, rivuga ko uwiyamamariza umwanya w’umukuru w’Igihugu agomba kuba afite kuva ku myaka 35 y’amavuko, akaba kandi yaravukiye mu Burundi.

Bitandukanye n’Itegeko Nshinga risanzweho, irishya riri gutegurwa ryo risaba kuva ku myaka 40 kandi uwiyamamaza akaba nta bundi bwenegihugu yigeze agira atari ubw’u Burundi.

Mu gihe umukuru w’igihugu yagiraga ba Visi be babiri, mu Itegeko Nshinga rishya azaba afite umwe gusa kandi badasangiye ubwoko n’ishyaka ndetse akaba yaratowe.

Ibijyanye na Manda z’umukuru w’igihugu

Mu gihe mu Itegeko Nshinga risanzwe umubare wa Manda z’umukuru w’igihugu wari imyaka itanu (5), ubu azajya atorerwa Manda y’imyaka irindwi (7) kandi agashobora kongera kwiyamamaza.

Itegeko Nshinga risanzwe rivuga ko ntawurenza Manda ebyiri, ariko mu rishya ikizaba kitemewe ni ukurenza Manda ebyiri zikurikirana.

Iyi nteguro nshya y’Itegeko Nshinga yanditswe mu rurimi rw’Ikirundi no mu Gifaransa, bikaba ari ku nshuro ya mbere iri tegeko ry’u Burundi risohoka gutya nubwo mu Itegeko Nshinga ari uko byari bitegenyijwe mu gihe andi mategeko ariyo yari ategetswe gusohoka mu rurimi rw’Igifaransa gusa.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo