Umunyamakuru wakoreraga Flash FM yahunze u Rwanda

Mu minsi ishize nibwo umuyobozi w’ikinyamakuru Intambwe Ndahayo Obed yatangaje ko yahunze ngo nyuma yo gutangira guterwa ubwoba n’abantu atazi, kuri ubu undi munyamakuru wakoraga kuri Flash FM na Flash tv Etienne Besabesa Mivumbi yatangaje ko yahunze igihugu kubera inkuru ngo yakoze yavugaga isenywa ry’amazu.

Amakuru y’ihunga ry’uyu munyamakuru yamenyekanye kuri iki cyumweru aho avuga ko impamvu zatunye ahunga ari izifitanye isano n’umwuga akora w’itangazamakuru aho ngo yagiye mu buhungiro kugirango atagirirwa nabi cyangwa se atabura ubuzima bwe avuga ko kandi inkuru yatumye ahunga igihugu ari iyo yakoze agata ngira gukurikiranywa n’inzego bwite za Leta ngo ni inkuru y’amazu yasenywe hari ku itariki 10 Kanama 2017.

Yagize ati, “inkuru yatunye mpunga igihugu ni iyo nakoze nkatangira gukurikiranwa n’inzego bwite za Leta ni inkuru y’amazu yasenywe hari ku itariki 10 Kanama , ni amazu aherereye mu Murenge wa Gisozi mu karere ka Gasabo mu umujyi wa Kigali ni amazu yasenywe y’umuturage umwe asaga 20, abaturage baraduhamagaye tujya gukurikirana ibinjyanye n’isenywa ryayo kugirango tumenye ipamvu nyamukuru ayo mazu ari gusenywa.”

Avuga ko muri iyo nkuru abaturage bagaragaza ko ufite amafaranga aha abayobozi b’inzego z’ibanze inzu zabo zizamuka ngo abenshi bagaragazaga ko bituruka kubibazo bya ruswa.

Ati “Abaturage bampamirizaga ko ufite amafaranga aha inzego z’ibanze niyo yaba adafite icyemezo cyo kubaka icyo gihe umuturage y’ubaka inzu ye ikazamuka ariko mu gihe yaba adatanze ayo mafaranga abayobozi bakamureka inzu ikazamuka ariko inzu ikazasenywa nyuma”

Akomeza avuga ko akimara kuvugisha abaturage yahise ajya kuvugisha abayobozi bamubwira ko iyo umuturage asabye icyemezo cyo kubaka bakimuha bakurikije n’ibyo azubaka hanyuma bakamugenzura ariko ngo kuko kibagifite igihe kizamara ntabwo bahora bajya kumureba ariko irindi genzura bakora abangije kubaka ngo niryo rishobora gutuma bamusenyera kuko icyo gihe harebwa ibyo yasabiye ibyangombwa niba aribyo yakoze koko basanga ataribyo ibyo yakoze bakabikuraho.

Umunyamakuru Etienne Besabesa Mivumbi ahunze nyuma yo kumara igihe gito hari undi munyamakuru uhunze wari n’umuyobozi w’ikinyamakuru intambwe Ndahayo Obed kugeza ubu utaratangaza igihugu abarizwamo kimwe na Etienne.



Tanga igitekerezo kuri iyi nkuru



Igitekerezo
Gasongo Kuya 13-11-2017

ubuse kwe