Ni iki kihishe inyuma yo kuva muri ADEPR kwa Mukeshimana uzwi nka Mama Queen

Mukeshimana Edith uzwi ku izina rya Maman Queen wahoze ari mwarimu ku mudugudu wa Segeem mu itorero rya ADEPR Rwampara yandikiye itorero rya ADEPR arisezera ajya gutangiza itorero rye, bamwe mu nshutize zahafi bavuga ko yajyaga yigamba ko ADEPR idakomorera abagore ngo babe abapasiteri.

Mu minsi ishize nibwo Maman Queen yandikiye ADEPR ayisezera ndetse anayishimira, aho yahise ajya gutangiza irye torero ritaramenyekana, bamwe mubakoranaga nawe byahafi bavuga ko hari igihe yigambaga ko ADEPR idakomorera abagore ngo babe abapasiteri kandi ngo bikwiye ndetse agatanga ingero zo muri bibiliya aho yavugaga ko hari igihe abakobwa batse umugabane Mose bavuga ko ntabandi bagomba zuzungura iby’aba se ashimangira ko nabo bagomba kubona ubupasiteri.

Mu minsi yashize ubwo yatangiraga icyumba cy’amasengesho kuri uyu mudugudu nibwo umubavu,com wamubajije ibijyanye n’uko ashaka gushinga itorero abitera utwatsi avuga ko ataribyo ari ukubeshya ndetse ko atigeze anabivuga.

Yahawe ubwarimu mu rwego rwo ku mukumira ngo atagenda

Mama Queen yagizwe mwarimu muburyo butunguranye ndetse bwanatumye abantu bijujuta kuko byari biteganyijwe ko uwitwa Jeanne ariwe uba mwarimu dore ko yari yaratoranyijwe nkuzaba mwarimu ndetse ari mu igeragenzwa, abakristo batunguwe no kumva atariwe uzasengerwa ahubwo hazasengerwa Mama Queen.

Ibi byatumye abantu bibaza ibibaye ariko amakuru akaza avuga ko Rev Pasiteri Rurangirwa yashakaga ku mufata ngo atajya gushinga itorero rye.

Mu kiganiro yagiranye na IGIHE, Mukeshimana yavuze ko yari amaze igihe kitari gito afite isezerano ry’uko azajya gukora umurimo w’Imana mu Itorero rye bwite.

Yagize ati “Imana yagiye ikoresha abakozi bayo batandukanye bakampanurira ko nzajya gushinga iryanjye Torero kandi mfite n’ibimenyetso byinshi bibyemeza. Mubo yagiye inyuzamo ubwo buhanuzi harimo n’abo twasenganaga muri ADEPR Segeem.”
Avuga ko ashimira byimazeyo ADEPR yamureze mu buryo bw’umwuka.

Ati ‘Nabasezeyeho ntacyo bandega kandi nanjye ntacyo mbarega. Ndashimira Itorero nahozemo ryandeze neza ku buryo ubu numva ngeze ku rugero rushyitse ryo gukorera Imana mu buryo bwagutse.”

Mukeshimana yatangaje ko Itorero agiye kuyobora rizaba rifite amahame atandukanye n’aya ADEPR.

Uyu muvugabutumwa wari amaze imyaka isaga 10 mu Itorero rya ADEPR Segeem aho yakoze imirimo itandukanye irimo kuyobora icyumba cy’amasengesho, kuba umudiyakoni kugeza ubwo yahawe inshingano zo kuba Umwarimu mu Ukuboza 2016.


Travel for Free!


Tanga igitekerezo kuri iyi nkuru



Igitekerezo
siboniyo Kuya 12-04-2018

1abakorinto 14:34 34.
abagore nibacecekere mu materaniro, kuko batemererwa kuvuga, ahubwo baganduke nk’uko amategeko na yo avuga.
35.
Kandi nibagira icyo bashaka kumenya babibarize abagabo babo imuhira, kuko biteye isoni ko umugore avugira mu iteraniro.
36.
Mbese kuri mwe ni ho ijambo ry’Imana ryaturutse? Cyangwa se ryageze kuri mwe mwenyine?
37.
Nihagira umuntu wibwira ko ari umuhanuzi cyangwa ko afite Umwuka, amenye ibyo mbandikiye yuko ari itegeko ry’Umwami wacu.

1timoteyo 2:
kuko nanga ko umugore yigisha cyangwa ngo ategeke umugabo, ahubwo agire ituza
13.
kuko Adamu ari we wabanje kuremwa nyuma hagakurikiraho Eva.
14.
Kandi Adamu si we wayobejwe, ahubwo umugore ni we wayobejwe rwose, ahinduka umunyabicumuro.

IBI NI IJAMBO RY’IMANA KANDI BIRI MU ISEZERANO RISHYA

veda Kuya 6-01-2018

Ntibintunguye kbsa
uyu byagaragaraga ko atisanzuye.
yigeze kuza kutubwiriza Kabuga Ville ndamwitegereza mbona akwiye Church koko.
Ubundi ibintu abamo by a Film ntibyajyana namahame ya ADEPR. Nahahe aronke

Andrew Kuya 5-01-2018

Gushinga’idini’, biroroshye, arikose? icyerecyezo:nikihe? nubutumwabwiza?, nicyubahiro? cyamgwa’ niBusimes

dusenge adeline Kuya 5-01-2018

yesu ashimwe bavand!!!mubyukuri maze gusoma iyi nkuru numvise ibabaje atariyo kwishimirwa gsa nge icyo navuga nuko nawe ibi asa naho atabitekerejeho neza gsa nta mazi ashyuha ngo yibagirwe iwabo wa mbeho gsa ikindi namwisabira nukutazatinyuka gusebya idini ryamureze nyuma yuko arivuyemo!murakoze!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

shema faustin Kuya 5-01-2018

Andika Igitekerezo Hanno mubyukuri umurimo wagutse niwo mwiza, ahubwo mwese nimuze mutore ryimana ryabategerekugaruka kwayesu mureke guharanira inyungu zanyu bwite