Mwenedata yikomye Leta  anavuga kuri Diane Rwigara

Mwenedata Gilbert uherutse kwangirwa na NEC kwiyamamariza kuyobora u Rwanda kubera ko atabashije kuzuza imikono y’abamushyigikiye ndetse bikavugwa ko yasinyishije n’abapfuye, nyuma yo kumara igihe kinini atumvikana mu itangazamakuru yongeye kumvikana avuga ko Diane arengana.

Nyuma yo kwangirwa kwiyamamariza kuyobora u Rwanda , Mwenedata Gilbert ntiyongeye kumvikana mu itangazamakuru ryo mu Rwanda cyangwa hanze yarwo. Kuri ubu yongeye kumvikana yikoma leta avuga ko iri kurenganya mugenziwe bari kumwe mu gihe cyo kwiyamamaza avuga ko arengana ; ngo kuko abizi neza.

Yagize ati,"Diane nawe turabona ariho byerekeza nubwo tutaramenya uko bizarangira ariko turi kureba aho byerekera, dufatiye no k’uwari umukuru w’igihugu niko byagenze ndibuka ko icyogiye bavugaga ko bamukatiye manda 2 n’umwaka umwe kuko icyo gihe manda yari imyaka 7 wayigira inshuro 2 ugateranyaho umwe bikaba 15 ibi bikaba bisa naho kwegera kuri uriya mwanya bidashoboka [...] ndababaye cyane kuko uwo twari kumwe mu gihe twashakaga kwiyamamariza kuyobora u Rwanda tuvuga ukuri ubu ari gukurikiranwa’’

Ibi abivuze mu gihe urukiko rutarahamya ibyaha uyu mwari ukurikiranyweho ibyaha birimo gukoresha inyandiko mpimbano bivugwa ko yakoreshye ubwo yakusanyaga imikono y’abamushyigikiye mu gihe yashakaga gutanga kandidatire ye kumwanya w’umukuru w’igihugu.



Tanga igitekerezo kuri iyi nkuru



Igitekerezo
Vuguziga Kuya 12-11-2017

Muvandmwe biriho, ibintu byose birashoboka biterwa nubikora nuburyo abikora ntuzi se yuko harabantu HRW. yavuze yuko. Bishwe ariko bakaba barazutse ? Nabapfuye rero bashobora gusinya.

Umwana iyo ashaka gukora ikintu kibi ashyira ikiganza cye mumaso
ngo ubwo ntawumubona ! maze agakora ibyashaka.

Biriho Kuya 11-11-2017

Haribyo ntemezanya nabanyamakuru ndetse na commis sion Yamatora, gusinyisha abapfuye ntibibaho,abapfuye bashobora gusinya bate ?