Minisitiri Louise Mushikiwabo yagize icyo avuga kuri Diane Rwigara kuri ubu uri muri gereza

Kuri iki cyumweru tariki ya 29 Ukwakira 2017 mu kiganiro yagiranye n’ibinyamakuru bitandukanye birimo Radiyo mpuzamahanga y’Abafaransa (RFI), Televiziyo ya “TV5Monde” n’ikinyamakuru le monde, Minisitiri w’Ububanyi n’Amahanga n’ibikorwa by’Umuryango wa Afurika y’Uburasirazuba, Louise Mushikiwabo ubwo yabazwaga ku bijyanye na Diane Rwigara wagerageje gushaka kwiyamamariza kuba Perezida w’u Rwanda kuri ubu akaba ari mu gihome, mu gusubiza ibi binyamakuru yagize ati “uyu mugore muto hari ibitekerezo ahagarariye[...] mu Rwanda hari n’abanyarwandakazi batari shyashya harimo n’ abarozikazi”.

Muri iki kiganiro Mushikiwabo yari kumwe n’abanyamakuru batandukanye barimo Francoise Joly (TV5MONDE), Sophie Malibereux (RFI), Christophe Ayad (Le Monde).

Umunyamakuru yabajije Minisitiri Mushikiwabo ati “Ese uyu munsi Diane Rwigara wagerageje gushaka kwiyamamariza kuba Perezida w’u Rwanda akaba ari muri Gereza ashinjwa gukoresha impapuro mpimbano, kuri ubu uyu mugore ari kuba ikimenyetso cy’uko bishoboka kuzategura gusimburana ku butegetsi mu buryo bwa Demokarasi mu Rwanda by’umwihariko cyane ku bakiri bato bashaka ubwisanzure bwo hejuru ?”

Kanda hano wumve ikiganiro yagiranye n’abanyamakuru

Mu gusubiza ,Louise Mushikiwabo yagize ati “Uyu mugore muto hari ibitekerezo rwose ahagarariye, ariko ni ibitekerezo biri hanze y’igihugu cyacu nk’abanyarwanda.Yagerageje gushaka kwiyamamariza kuyobora u Rwanda ariko ntiyuzuza ibisabwa bityo ntibyanamuhira. Ni umugore kimwe n’abandi Banyarwanda bafite uburenganzira bwo kwiyamamaza ariko utarabashije kubigeraho kubera ko atari yujuje ibisabwa. Muri uwo murongo, sinshaka kubivugaho byinshi kubera ko ni ikibazo kiri mu biganza by’ubutabera. Muri iyo nzira, habayeho ibibazo niyo mpamvu ari mu butareba uyu munsi, ariko reka mbonereho kubabwira ko u Rwanda ari igihugu aho umugore afashwe nk’umwamikazi ariko kandi hakabamo n’ abarozikazi (sorcière), nubwo atari benshi ariko barahari kuko abagore bo mu Rwanda bose ntabwo ari shyashya”.

Nyuma y’iki kibazo n’igisubizo ahawe, umunyamakuru kandi yababajije Mushikiwabo ati “ese iyo niyo mvugo mukoresha mu Rwanda muvuga Diane utavuga rumwe n’ubutegetsi ?

Mushikiwabo nawe aramusubiza ati “ Oya, oya !, ikinteye kubikoresha nuko twumva kenshi ahantu hamwe na hamwe ko ari umugore… , aho bamwe bibeshya ko umugore adakwiye gufungwa kandi muzi ko abagore bakoze Jenoside hano mu Rwanda ndetse abahamwe n’ibyaha bakabifungirwa. Bityo rero umugore wujuje ibisabwa ashobora kwiyamamaza kandi akanatorwa nubwo kuri we atari ko bimeze.

Mushikiwabo kandi yabajijwe n’umunyamakuru ati “ko muvuze ko Diane ari mu butabera, mu Rwanda umuntu wese ushatse kwiyamamariza kuyobora igihugu ahita ajyanwa muri gereza no mu nkiko ?

Mu gusubiza Mushikiwabo ati “Ntabwo ariko bimeze hano mu Rwanda, ahubwo uriya mugore muto ari mu butabera kubera ko yaciye mu nzira zitari nziza ashaka kuba Umukandida mu matora ya Perezida wa Repubulika bityo bikaba byaba byiza dutegereje urubanza rwe.

Umubavu.com



Tanga igitekerezo kuri iyi nkuru



Igitekerezo