Ikibazo cya Koreya ya Ruguru kigiye gushakirwa umuti mu maguru mashya

Umujyanama wa Perezida Trump, H-R McMaster ku bibazo by’umutekano w’igihugu, yatangaje ko Leta Zunze Ubumwe za Amerika zifatanyije n’inshuti zayo birimo gushakira mu maguru mashya umuti w’ikibazo cya Koreya ya Ruguru cyo gushaka gutunga ibitwaro byo mu bwoko bwa nucleaire.

H-R McMaster yaburiye abantu avuga ko uko umunsi ushize ariko bigenda birushaho gushoboka ko intambara ishobora kurota hagati ya Amerika na Korea ya ruguru.

PNG - 477.4 ko
Koreya ya Ruguru iheruka kongera kugerageza igisasu cyitwa Hwasong-15


Yongeyeho ko hari uburyo bwo kubonera umuti icyo kibazo bitanyuze mu ntambara nubwo Koreya yo ikomeza kugaragaza ko ishaka intambara.

Yasabye igihugu cy’u Bushinwa gukomanyiriza Koreya ya Ruguru ku bijyanye na peteroli kugira ngo bizagore cyane Pyongyang kubona ibyo akoresha mu kurasa ibisasu bya misile.

Icyakora nubwo bimeze bitya, Koreya ya ruguru nayo ntisiba gushinja Amerika guhembera intambara.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo