Gakenke:ADEPR yatashye urusengero rushya  rufite agaciro  ka 108,483,360 frws

Kuri uyu wa kabiri nibwo itorero rya ADEPR Paruwase ya Muhondo riherereye mu karere ka Gakenke umurenge wa Muhondo ryatashye urusengero ku mugaragaro aho umuyobozi ushinzwe iterambere muri iyi Paruwase ya Muhondo Pasiteri Mbonigaba Alex yavuze ko bahuye ni mbogamizi zikomeye kuburyo batangiye gusiza nta mafaranga na make.

Uru rusengero rushya rwa Paruwasi ya Muhondo ruhagaze miliyoni 108,483,360 mu mafaranga y’u Rwanda uyu munsi nibwo rwatashywe ku mugaragaro n’imbaga y’abakristo baturutse mihanda yose.

Umuvugizi wa ADEPR hamwe n’abafatanyabikorwa bo muri Koreya y’Epfo babateye inkunga mu kurwubaka bafatanyije barufunguye ku mugaragaro.

Pasiteri Mbonigaba Alex yavuze ko batangiye gusiza ntamafaranga na make bafite batangira bizeye Imana ko izabafasha, aha kandi ngo bahise batangira no gufata abakristo bakabohereza ku bumba amatafari nyuma nibwo bagiye batangira kubona amafaranga make make.

Yagize ati, “TUkimara gusiza ikibanza twatangiye gukora imiganda yo ku bumbisha amatafari mbese urebye twakoresheje imbaraga zacu n’ubwo n’ubutunzi nabwo twabukoresheje tumaze kwisuganya dutangira gucukura foundation abandi babumba amatafari usibye abaterankunga bagiye baturuka hirya ya paruwase ndetse na benedata baturutse mugihugu cya koreya baduteye inkunga ingana na miliyoni 25,765,660 mu mafaranga y’u Rwanda”.

Uhagarariye itsinda rya ba banyakoreya yavuze ko yumvishije barafashe igihe ki nini kingana n’imyaka ibiri cyo gusenga Imana, Imana nayo ikabakoresha bakaza kubatera inkunga.

Yagize ati, “Numvishe ko mwakusanyije amafaranga yanyu ndetse munafata igihe cyo gusenga Imana imyaka ibiri musenga ; Imana yumva amasengesho yanyu ikoresha abakristo bo muri koreya yepfo tuza kubatera inkunga.

Akomeza avuga ko Imana yishimira abantu bayiramya bari murusengero kandi muri abanyamugisha kubera ko muri uru rusengero. Ndabahamagarira kugirango mujye muza muri uru rusengero rwiza mwiyubakiye kugirango Imana ibahe Umugisha.
Umuvugizi wa ADEPR , Rev. Karuranga Ephrem yasabye buri wese witabiriye iyi gahunda yo gutaha iyi nzu y’Imana ko ikwiriye gukemurirwamo ibibazo byose byo mu Itorero.

Ati "Dukwiye kugira umuco wo gukemurira ibibazo byacu mu nzu y’Imana, aha ni ahantu Imana iduhaye ngo hatubere ahantu ho kwiyungiramo n’Imana no kuboneramo imbaraga z’Imana.
Aha ni ahantu ho gusengera igihugu cyane kuri buri mu kristo.
Ni inzu yo kuza gushimiramo Imana kubw’ibyo Imana yagukoreye."

Umwigisha wigishije ijambo ry’Imana yahamije ko muri uru rusengero hazanjya hakorerwamo ibitangaza by’Imana nk’uko yabikoraga na kera ariko kandi akanavuga ko abizi neza ko iri torero rigifite ibibazo ariko kuko ari Imana izabikemura ifite ubushobozi ibasaba kuzana ibibaremereye.

Aba baterankunga batanze ihene mirongwitanu (50) yahamije ko n’ubwo bakora ibi bikorwa byo gufasha amatorero ya ADEPR ko aribo babyungukiramo ngo amatorero yabo akura.

Kugeza ubu bamaze gutanga ihene zigera ku gihumbi na Magana abiri ( 1200) mu gihugu cyose no kubaka insengero 2 harimo n’urundi bari kubaka.
Umushumba wa Paruwase ya Muhondo Pastor Sebagande Eugene yashimye Imana yabafashize umurimo, n’ubuyobozi bwa ADEPR ndetse n’abaterankunga babafashije kugera kuri ibi bikorwa n’ubwitange bagize ndetse n’inzego za leta.

Mubukungu n’iterambere avuga ko bahurije hamwe ibitekerezo byo kubaka uru rusengero ku buryo hari n’izindi nyubako bateganya kubaka, iyi nyubako yatwaye akayabo ka miliyoni 100.848.300 uruhare rw’abaterankunga ni milioni 25.000.000 harimo ideni rya miliyoni 11 n’andi arengaho.

Izindi nyubako zisigaye kubakwa zizatwara asaga miliyoni 36 n’andi mafaranga arengaho ariko nk’abanyamuhondo ntabwo bibateye ubwoba kuko iyabashije kubafasha izabibafashamo.

UMubavu.com



Tanga igitekerezo kuri iyi nkuru



Igitekerezo