Yari umupfumu none ubu atunze inzu ye mu mujyi wa Kigali

Ni ku munsi wa kabiri w’igiterane cyateguwe n’itsinda ry’abanyamasengesho ryitwa “Yesu niyamamare hose Family” riyobowe na Ev. Olivier NDATIMANA Ndoliva ku bufatanye na ADEPR Paruwasi Gatenga. Tubibutse kandi ko intego y’iki giterane igaragara mu gitabo cya Yesaya 9.1.

Iki giterane cyatumiwemo abavugabutumwa bafite ubuhamya bukomeye kandi bwomora imitima ya benshi ndetse bukanabahumuriza kuko Imana ari yo yonyine ibasha gukora ibyo abantu babona ko bidashoboka.

Bamwe mu bayobozi ba “Yesu niyamamare hose Family” nka BARAKAGIRA Pascal wungirije umuyobozi mukuru, yavuze ko bagomba kuvuga Yesu batikandagira cyane ko hari impamvu nyinshi bafite zo kumuvuga zirimo imirimo itangaje yabakoreye mu buzima bwabo.

MUSONERA J.B nawe ni umwe mu bavugabutumwa wakomeje imitima y’abakristu benshi aho yavuze ko nawe mbere yuko yakira Yesu akamubera umwami n’umukiza we yari umupfumu ariko kuri ubu akaba ashima Imana ko yamubatuye ingoma ya satani yamutwazaga igitugu.

Yongeyeho ko nyuma yo gusaba umugeni we witwa UWAMURERA Stephanie, yabuze inkwano umudugudu yasengeragaho ugaterana ukayimushakira. Kuri ubu Musonera avuga ko Imana yamugiriye neza aho afite inzu ye bwite mu mugi wa Kigali ayikesha kuva mu bupfumu yarimo agakurikira Yesu.

JPEG - 135.5 ko
Ev. MUKESHIMANA Edith wari uyoboye gahunda y’uyu munsi

kuri uyu munsi wa kabiri w’iki giterane uyobowe na MUKESHIMANA Edith (Mama Queen) turi kumwe n’abahanzi NDATIMANA Olivier NDOLIVA, Eric CYAMIKA, NIYONSABA Albert ’, GIRAMAHORO Claudine n’amakorari abiri ariyo Chorale UKUBOKO KW’ IBURYO yo kuri ADEPR Gatenga na Chorale Gibiyoni yo kuri ADEPR Murambi. Turi kumwe kandi n’umuvugabutumwa, Dr. BYIRINGIRO Samuel.

JPEG - 137.1 ko
Iyi ni Chorale UKUBOKO KW’IBURYO yo kuri ADEPR Gatenga iririmba

JPEG - 118.5 ko
Uyu ni umuhanzi NIYONSABA Albert

JPEG - 156.1 ko
Iyi ni Chorale Gibiyoni yo kuri ADEPR Murambi

JPEG - 103.9 ko
Umuhanzi GIRAMAHORO Claudine aririmbira iteraniro

Mu mwanya w’ijambo ry’Imana ryagabuwe na Dr. BYIRINGIRO Samuel, hasomwe amagambo y’Imana aboneka mu bitabo Kuva 34.29-35, Yesaya 60.1-3, Matayo 5.14-16.

JPEG - 109.7 ko
Umwigisha w’uyu munsi Dr. BYIRINGIRO Samuel

Muri aya magambo y’Imana, Dr. Samuel yabwiye abakristu ko icyerekezo cy’ubuzima kidashobora guturuka ku miryango ikomeye umuntu afite, ku mashuri menshi yize cyangwa n’ibindi byinshi yakwibwira ko byamukiza ahubwo kizanwa nuko umuntu yihannye ibyaha bye akava mu mwijima akamurikirwa n’umucyo w’Uwiteka. Yagize ati "uwo umucyo waviriye, ibye biba bisobanutse".

Mu gusoza uyu mwanya w’Ijambo ry’Imana, Dr. BYIRINGIRO Samuel yasabye abitabiriye iki giterane kubyuka bakarabagirana kuko umucyo wabo uje kdi ubwiza bw’Uwiteka bukaba bubarasiye cyane ko ari nayo ntego y’igiterane gukura abantu mu mwijima.

Si ijambo ry’Imana rikomeje kugaburwa gusa muri iki giterane kiri gufasha benshi, biteganyijwe kandi ko nyuma yacyo hazatangwa Mituweli ku bantu 30 batishoboye ndetse hanambikwe abarenga 100 batagira icyo kwambara mu buryo bwo kububaka mu Ijambo ry’Imana ndetse no mu buzima busanzwe.

JPEG - 99 ko
Uyu ni umuyobozi wa “Yesu niyamamare hose Family”, Ev. Olivier NDATIMANA Ndoliva

Igiterane kirakomeje kandi Umubavu.com turakomeza kukibagezaho imbonankubone (live) nk’abahibereye kugeza gishojwe ku munsi w’ejo....



Tanga igitekerezo kuri iyi nkuru



Igitekerezo