Umushumba w’ Itorero Umurage w’Abera-Silowamu ati “ntimucike intege ibyiza biri imbere”

Kuri iki cyumweru ahagana mu masa tanu nibwo umushumba w’itorero Umurage w’Abera Silowamu abwiye abakristo ko badakwiye kugira ubwoba bw’ubuzima kuko ibyiza biri imbere, anashimangira ko abantu atati beza ubwo yavugaga ko umugore we atwite nyuma yo kubwirwa ko batazabyara.

Itorero Umurage wa Abera Silowamu riherereye ku Kinamba ahazwi nko kwa Gakire ubwo batangiraga amateraniro yo kuri iki cyumweru umushumba waryo yatangiye asaba abakristo kwihangana kuko amatunda ari imbere badakwiye gucikka intege.

JPEG - 227.5 ko
Abakiristu biragaragara ko na bo bafite akanyamuneza

Nyuma yo kwinjiza abantu mu mavuta adasanzwe ahise anababwira ko umugore we atwite. Abo bavuze ko batazabyara siko biri kuko bazabyara mu izina rya Yesu ku Itorero Umurage w’Abera-Silowamu.

JPEG - 156.3 ko
Umuhanzi ati “Nzimiriza uyu muriro dayimoni zacanye, nshimiye Yesu wishe umwaku”

Nkuko ku Itorero Umurage wa Abera Silowamu ibitangaza bisanzwe bikoreka, n’ubundi kuri iki cyumweru hateganyijwe gahunda yo gusengera abafite ibibazo ndetse n’indwara zananiranye ku buryo nyuma abazajya kwipimisha bazasanga indwara zabo zari zarabajahaje zarakize bakagaruka gushimira Imana nkuko Umushumba w’Itorero Umurage wa Abera Silowamu abivuze,

JPEG - 1.8 Mo
Umushumba w’Itorero Umurage w’Abera-Silowamu usengera abantu ibyananiranye bikemera


Si ugusengera abafite ibibazo n’indwara gusa hafashwe n’umwanya wo gusengera umukuru w’igihugu cy’u Rwanda Paul Kagame agakomeza gukomera no kuramba ku bw’ibyo yakoreye abanyarwanda aho kuri ubu abantu bidagadura uko bashatse mu gihugu cyabo.
Umushumba yagize ati "bitewe nuko hakuweho gufungira insengero zimwe na zimwe ndetse hagira n’abacuranga bakabatwarira ibyuma none kuri ubu hakaba hari umudendezo ku nsengero zose nibyo bitumwe dufata umwanya wo gusengera Perezida wacu tumusabira kurama ndetse akazakomeza kuyobora igihugu cy’u Rwanda na nyuma y’iyi manda".
Ku Itorero Umurage w’Abera-Silowamu amateraniro arakomeje aho uyu mwanya ari uw’ijambo ry’Imana, uyu mwanya ugakurikirwa n’umwanya wo gusengera abantu ndetse no kubona ibitangaza by’Imana. Hasomwe Ijambo ry’Imana mu gitabo cya Matayo 2.2,9.
Umushumba w’Itorero Umurage wa Abera Silowamu yibukije abakristo ko kugira ngo ibitangaza bikoreke na bo basabwa uruhare rwabo ari rwo kuba maso.
Mu ijambo ry’Imana ryahawe umutwe ugira ngo "Inyenyeri yawe uyu munsi irahaguruka", Umushumba w’Itorero Umurage wa Abera Silowamu yabwiye abakristu ko bagiye gusubira mu mugambi w’Imana biratuma buri wese inyenyeri ye yari yarazimye yongera kugaruka ndetse ikongera no kwaka bityo ibyo umuntu wese yari yarabuze byongere bigaruke byaba ubucuruzi, igikundiro, umugisha, kuzamurwa, guhanura, guhindurirwa amateka, ububyutse, inshuti nziza, ...

Umushumba yokomeje abwira abakristu ko inyenyeri yabo yahagaze igiye kongera kwaka ati "Inyenyeri y’Umurage w’Abera igomba kongera kujya ahagaragara ndetse ikongera kwaka. Inyenyeri y’ubukire, inyenyeri y’iterambere igomba kwaka".

Hari inyenyeri satani yari yarajimije ariko uyu munsi igiye kugaruka yongere yake bundi bushya. Abakristu bigaragara ko nabo akanyamuneza ari kose bizeye ko inyenyeri yabo yari yarazimye igiye kongera kwaka. Hari imitungo satani yariganyije kuri uyu munsi igomba kugaruka ndetse n’abo satani yaboshye bagiye kugaruka kuko nta n’umwe satani yaremeye kubaho nabi, abo satani yaboheye kwa herode bagomba kugaruka.
Yibukije abakristu ko abavuye kwa Herode inyenyeri yabo yongera kwaka ati " abavuye mu busambanyi inyenyeri yabo irongera ikaka, abaretse ingeso mbi inyenyeri yabo irongera ikaka".
Nyuma y’Ijambo ry’Imana hakurikiyeho umwanya nyirizina wo gusengera abantu aho Umushumba w’Itorero Umurage w’Abera yasengeye amavuta asanzwe azwi nka ’Vaseline" asaba Imana ko niba Yesu we yaratobye akondo akagakoresha ibitangaza agahumura impumyi bityo nawe nk’umuhanuzi amavuta atari akondo ari yo asabye Imana ngo akoreshwe ibitangaza bikomeye, indwara zananiranye zikire, ibibazo byananiranye bikurweho.

Agendeye ko yesu ubwo yajyaga gusubira mu ijuru yabwiye abigishwa be ko bazakora ibyo we atabashije gukora, Umushumba w’Itorero Umurage w’Abera yabwiye abakristu ko bizera ko Imana igiye gukora ibitangaza bikomeye.
Umushumba w’Itorero Umurage w’Abera yakomeje asiga buri mukristu amavuta ya Vaseline yasengeye anamusengera amusabira Imana ko imukorera ibitangaza.

Abakristu batambukaga umwe ku wundi kandi baza bakuyemo inkweto zabo baza aho umshumba wabo ari ndetse bitwaje n’ituro akabasiga amavuta ku birenge byabo anabasengera abasabira ngo inyenyeri yabo y’imigisha itandukanye satani yariganyije yongere yake ndetse n’indwara zananiranye zikire mu izina rya Yesu Kristu.

Mu gusoza yabwiye abakristu ko bishoboka ko bareba ibyo ari kubakorera nk’ibidafite agaciro bityo abasaba kwizera.



Tanga igitekerezo kuri iyi nkuru



Igitekerezo
ntirenganyA jean baptiste Kuya 7-11-2017

Nshimiyimana kurayamasengesho umushumba imana imuhe imigisha myinshi kandi umwukawera ntakamubureho rwose