Umupasiteri yateye inda abagore n’abakobwa barenga 20 avuga ko yabitegetswe n’umwuka wera (Amafoto)

Ni umupasiteri wo mu gihugu cya Nigeria uzwi ku mazina ya Timothy Ngwu, w’imyaka 53 y’amavuko uvugwaho gutera inda abagore n’abakobwa barenga 20 basengana mu rusengero rwe. Bamwe muri aba bagore n’abakobwa, bari bubatse ingo mu gihe abandi bari bakiri abakobwa bato. Imbere yabashinzwe umutekano, uyu mupasiteri yisobanuye avuga ko ibi byose yakoze abitegetswe n’umwuka wera.

Amaraizu, umuvugizi wa Police yo mu mugi wa Enugu yagize ati "Pasiteri avuga ko yubashye ubushake bw’Imana bwo gutera inda uwo umwuka wera yamuhitiyemo yaba abishaka cyangwa atabishaka". Polisi ikomeza ivuga ko Pasiteri Timothy Ngwu akurikiranyweho icyaha cyo usambanya abagore no kubatera inda yitwaje ko Imana ari yo yabimutegetse.

PNG - 852.5 ko
Aba bagore bari kuri Polisi


Amakuru akomeza avuga ko iyo umubyeyi watewe inda na Pasiteri Timothy Ngwu abyaye umwana, agumana na nyina ku rusengero ubuzima bwabo bwose busigaye, amakuru yatanzwe n’uwahoze ari umugore we Veronica Ngwu watandukanye n’uyu mupasiteri kubera kurambirwa imico ye nyuma yo gutera inda umwana muto yari abereye nyirasenge.

PNG - 838.2 ko
Aba bagore n’abakobwa batewe inda beretswe abaturage


Umuvandimwe wa Pasiteri utarashatse ko imyirondoro ye itangazwa, yavuze ko hari hashize igihe kinini umuryango we umuhana ku mafuti ye gusa ngo byose akabyima amatwi nta numwe yumva. Umuvandimwe we akomeza avuga ko ifatwa ry’umuvandimwe we ryatewe n’uburakari bw’Imana.

PNG - 854.9 ko
Bamwe mu batewe inda bari hafi yo kubyara


Yagize ati"Mumfashe mbabwire, uburakari bw’Imana bwikubise ku muvandimwe wanjye, twamugiriye inama kenshi ko ibyo arimo ari amafuti gusa we yarabyanze adushinja ko twamugiriye ishyari kuko ari gukora ibyo Imana imutegetse. Icyo nibaza, ni gute umugabo warezwe yakora ibintu nk’ibi ?

Abagize uru rusengero bose ni ibigoryi, ni gute umugore yata umugabo we agakorana amafuti y’ubusambanyi n’undi mugabo akabyita ubushake bw’Imana ? Singiye kwinjira muri iki kibazo gusa ndifuza ko uru rusengero barufunga burundu".

Akomeza avuga ko yirukanye umugore we n’abana kugira ngo abone uko atera inda abagore b’abandi n’abakobwa bakiri bato.

Pasiteri Ngwu, ubusanzwe yari asanzwe afite abagore 5 n’abana 13 hakiyongeraho n’abo yita ko bavutse ku bushake n’ububasha bw’Imana. Akomeza avuga ko nta mugore wubatse yasambanyije atemeranyijwe no kwemera kw’Imana nkuko ikinyamakuru dailystar cyandikirwa mu Bwongereza kibivuga.

PNG - 849.1 ko
Pasiteri Timothy Ngwu uriho akamenyetso wateye inda aba bagore n’abakobwa


Calista Omeje na Assumpta Odo, ni abagore babiri bataye abagabo babo babana na Timothy Ngwu bavuga ko babikoze bagendeye ku nyigisho za Pasiteri Ngwu. Calista Omeje ufitanye abana 10 n’umugabo we, yavuze ko nawe Pasiteri Ngwu yamuteye inda nyuma kubw’amahirwe make umwana akaza gupfa.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
keza Kuya 2-02-2018

arko noneho ndumiwe ubusuyu ntafite satani ihebeba cyokora isirarangiye peeeeee yeweeeeeeee