Umupasiteri arashinjwa gusambanya abana b’abakobwa 7 akanatera inda umwe

Umupasitori wo mu gihugu cya Uganga utatangajwe amazina ye arashinjwea gusambanya abana b’abakobwa 7 akanatera inda umwe muri bo nyuma yo kubashukashuka bamwe akabakura mu ishuri abandi ababeshya ko azajya abarihira amafranga y’ishuri.

Nyuma yuko afunguye urusengero rushya yise " Care Centre Church "mu gace aba bana b’abakobwa ashinzwa gusambanya bakomokamo, uyu mupasitori ngo nibwo yahise atangira kujya abashukashuka ngo baze basengane bikarangira abakoreye bya mfura mbi nkuko ikinyamakuru Daily Monitor cyabyanditse.

Aya makuru yatanzwe n’umwe muri aba bakobwa nyuma yo kubona nta gahunda ifatika uyu mupasiteri aabafitiye cyane ko umwe muri bo yari amaze gutwara inda. Polisi nyuma yo kumenya aya makuru yagiye rwihishwa aho uyu mupasitori aba niko kumuta muri yombi. Uyu mwana umwe w’umukobwa akekwaho gutwika inda ngo afite inda y’ameezi 5.

Umwe mu babyeyi bari barabuze umwana we yagize ati “ nkimara kumenya ko umwana wange atwite nabuze aho nkwirwa nkurikije uburyo yari asanzwe atiyandarika”.

Yakomeje agira ati “umwana wange yajyaga ankumbura cyane yambona akansanganira ngo andamutse ariko nagiye mbona bishira simenye uko byagenze nkagira ngo ni ibisanzwe”.

Umuvugizi wa Polisi mu gace uyu mupasitori yakoreyemo aya mabara, Mr Luke Owoyesigyire yavuze ko mu iperereza bakoze basanze aba bakobwa atari bo bonyine uyu mupasiteri yasambanyije abashukishije utuntu tudafatika bityo ko agomba kubiryuzwa hakurikije icyo amategeko ateganya.

Ku munsi w’ejo ku wa kabiri tariki ya 31 Ukwakira 2017 ubwo bimwe mu bitangazamakuru byo mu gihugu cya Uganda byasuraga uru rusengero rushukirwamo aba baba b’abakobwa, uwungirije uyu mupasitori we nyuma yo kumva aya makuru yahise acika kuri ubu nawe akaba agishakishwa.

Nubwo uyu mupasitori ashinjwa gusambanya aba bakobwa abashukishije utuntu tw’ubusabusa nyamara umwe muri aba bakobwa we yabwiye abanyamakuru ko kuri ubu ngo amaze kuryamana n’abagabo barenga 100 bose.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Twagiramungu Kuya 4-11-2017

Kuki mutavuga aho byabereye ? Igihugu nagace cg intara iyinkuru yanyu ntabwo yuzuye