Umupadiri yatawe muri yombi azira gushinyagurira umurambo ngo agiye kuwuzura

Igipolisi cyo mu gihugu cya Mozambique cyataye muri yombi umupadiri azira gukinira ku murambo w’umugabo wari wapfiriye mu bitaro abeshya ko agiye kuwuzura bikarangira bimunaniye.

Learn how to Thrive

Uyu mupadiri yatangaje ko umwuka wera (Roho Mutagatifu) yamutegetse kwerekeza mu bitaro bya Chimoio mu ntara ya Manica, akazura uyu mugabo wari wapfuye nubwo byarangiye imana ye ibaye bayali.

Akigera ku bitaro yabwiye ababishinzwe ko mwuka wera yamutegetse gukora igitangaza muri ibyo bitaro ndetse ko bafungura aho bashyira imirambo nabo bamuha rugari, amara iminsi 2 asenga gusa birangira ibinyoma bye bimutamaje.

Mushiki w’uyu mugabo wapfuye yabwiye abanyamakuru ko nubwo uyu mugabo yiyamiraga avuga mu zindi ndimi ndetse akazunguza umutwe w’uyu mugabo, atigeze ahaguruka ndetse nta n’igice cy’umubiri we cyigeze kinyeganyega.

Face2faceafrica banditse iyi nkuru bavuga ko Polisi ikimara kubyumva yahise iza ita muri yombi uyu mupadiri imushyira muri gereza imushinja icyaha cyo gushinyagurira umurambo w’uyu mugabo.

PNG - 886.8 kb
Aha Polisi yerekezaga ku bitaro bya Chimoio mu ntara ya Manica gufata uyu mupadiri nyuma yo gushinyagurira umurambo ngo arawuzura
PNG - 765.2 kb
Uyu mupadiri yahawe rugari ngo azure uwari wapfuye nyuma yo kuvuga ko Roho Mutagatifu yabimutegetse birangira atawe muri yombi azira gushinyagurira umurambo kuko atawuzuye

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo