Umukristo wo muri Zion aratabaza nyuma yo kwamburwa n’ubuyobozi bukuru bwa Zion Temple yarabakoreye isuku

Alphonsine wasengeraga mu itorero rya Zion Temple riyobowe na DR Paul Gitwaza, aravuga ko abayobozi bayoboye iri torero bamwirukanye ku kazi batamuhaye ibyo amategeko amuteganyiriza nyuma yo ku mwirukana muri 2014 yari amaze imyaka 7 abakorera isuku mu ivuriro ryabo.

Imyaka itatu irashize AYINKAMIYE Alphonsine asiragira mu nkiko no mu miryango irwanya ruswa n’akarengane asaba ibyo amategeko amwemerera nk’ umukozi wese ufite amasezerano y’akazi yemererwa atarabibona.

Reba Videwo hano

Avuga ko muri iyi miryango hari iyagiye igerageza kumuhuza n’aba bayobozi nyamara bikagera aho basaba aba bayobozi gukemura iki kibazo mu maguru mashya bikanga kuko ngo bitumvikana ukuntu umuntu nkuyu w’umukene yirukanwa adahawe ibyo amategeko amuteganyiriza mu itorero rikize nk’iri.

Yagize ati, “ Nagiragango munkorere ubu vugizi kuko narenganyijwe n’abantu bakomeye natangiye gukora isuku mu kigo nderabuzima cya Zion Temple kitwa betesida muri 2007 icyo gihe nari mfite amasezerano y’akazi yamaraga imyaka ibiri tukongera tukayavugura bigeze aho ntibongera kumpa amasezerano hashije umwaka n’igice baranyirukana ariko uwo mwaka n’igice ntibari barampaye amasezerano ariko bataranambwiye impamvu ntayafite gusa abanyamategeko bambwiye ko iyo umuntu aguhagarikiye amazeserano ntabikubwire uba ugikorera kuyambere, ubwo rero urumva ko hari ibyo bangomba, naje kubibabaza barabyirengagiza nyuma nitabaza inkiko banga kuzitaba bampa umwanzuro w’urubanza bambwira ko nareze uwo ntagombaga kurega ko nagombaga kurega Zion Temple ubwo mbibwira abanyamategeko bambwira ko nashaka ikiciro cy’ubudehe nkakibaha bakamburanira.

JPEG - 679 ko
Barabahamagaje banga kwitaba

Akomeza avuga ko yaje kwitabaza imiryango irwanya ruswa n’akarengane ayitakira agirango imufashe ariko bagasaba abo bireba kugira icyo bakora ariko ntibagire icyo babikoraho bakamwirengagiza kugeza igihe umwe mubayobozi yamubwiye ko nanjya munkiko bizamara umwaka bitarakemuka ibintu bias no kumuhima.

Yagize ati, “ Nitabaje imiryango iryanya ruswa n’akarengane CREDOH na Transparence Rwanda barabahamagara ariko biba ibyubusa kuko ibyo bemeye batabikoze ndetse twanagiye kuri CREDOH batwandikira urwandiko ruriho ibyo bagombaga kubahiriza ariko ntibabikurikiza ku buryo urwo rupapuro banarusinyeho bwa kabiri banyizeza ko bikemutse ntakibazo.”

JPEG - 389.2 ko
Aya masezerano yasimywe na Dr Paul Gitwaza

Mugushaka kumenya koko niba ibyo AYINKAMIYE Alphonsine avuga ko ari ukuri twahamagaye umuyobozi w’itorero rya Zion Temple Dr Paul Gitwaza telephone ye ntiyacamo tunahamagara ushinzwe itangaza makuru Frori ntiya twitaba duhamagara Pasiteri Asalias umuyobozi w’ikigo nderabuzima cya Zion Temple yakoragaho isuku we atubwira ko uyu AYINKAMIYE Alphonsine ari umwana wabo bamubuze ngo bamwishyure ariko ko ntakibazo bafitanye.

JPEG - 59.8 ko
Pasiteri Azalias umuyobozi w’ikigo nderabuzima cya Zion Temple

Yagize ati, “ Nibyo koko AYINKAMIYE Alphonsine ni umwana wacu ariko kandi twaramubuze ngo tumuhe amafaranga gusa twagize ubukene kuko hari abantu bataratwishyura batinze kutwishyura ariko ikibazo cye turakizi turanagitekereza tura mwishyura vuba cyane”

Twashatse kumenya niba itorero rya Zion ari itorero ryabura amafaranga yo kwishyura umuyoboke wabo dore ko avuga ko hari igihe bahembwaga amafaranga avuyeyo maze atubwira ko batakibaha amafaranga ngo kuko basigaye birwariza.

Yagize ati, “ Ntabwo bakiduha amafaranga dusigaye twirwariza ubu ngubu ariko ikibazo cye turagikemura vuba cyane arabona amafaranga ye […] ntabwo twarangaye twagize ubukene abantu bagombaga kutwishyura baratinze.”

AYINKAMIYE Alphonsine yatangiye gukora muri iki kigo kuva mu mwaka wa 2007 asezererwa ku kazi mu mwaka wa 25/11/2014 aho yatangirwaga ubwishingizi ariko kuva mu mwaka wa 2013 ntaho bigaragara ko yatangirwaga umusanzu muri RSSB kuko bigaragara ko ayo mafaranga atatagwaga ndetse anavuga ko hari amafaranga yakatwaga yo gusorera leta ariko RRA ikaba yara mubwiye ko itamuzi ibi bikiyongeraho kuba hari umwaka wageraga muri RSSB agasanga hari aho bageraga umushahara we bakawugabanya [bivuze ko hari amanyanga yakorwaga mukugabanya ubwizigame bamutangiraga]

Arasaba ko yakwishyurwa cyangwa hakaboneka abanyamategeko bamufasha mubijyanye n’amategeko.

By Nsengimana Theoneste



Tanga igitekerezo kuri iyi nkuru



Igitekerezo