Umubyeyi yabyaye umwana ufite Korowani n’ishapure mu ntoki ze

Umubyeyi wo mu gihugu cya Nigeria mu gace kitwa Burga, yabyaye umwana avukana n’igitabo gitagatifu gikoreshwa n’idini ya Isilamu (kizwi nka Korowani) n’ ishapure Abayisirilamu bifashisha mu gusenga.

Agace uyu mubyeyi atuyemo karimo gusurwa cyane n’abantu batandukanye bajya kureba icyo gitangaza cyahabereye.

Uyu mwana w’ umuhungu yiswe Muhammad Auwal gusa amazina y’uyu mubyeyi ntabwo yatangajwe n’ibinyamakuru byo muri iki gihugu byatangaje iyi nkuru.

PNG - 714.3 ko
Uyu mwana w’ umuhungu yiswe Muhammad Auwal niwe wavukanye Korowani n’ishapure mu ntoki ze


Ivuka ry’uyu mwana risa nk’igitangaza gikomeye ryatangajwe na Sheikh Dahiru Usman Bauchi wo muri aka gace ka Burga avuga ko uyu mwana yavukanye Korowani n’ishapure yongeraho ko ari igitangaza cyabayeho asaba Abayisirilamu gusenga basaba Imana kurinda iri dini ryabo.

PNG - 870.1 ko
Uyu ni Sheikh Dahiru Usman Bauchi nawe watangariye cyane Imana avuga ko n’abatizera bwakiye guhera kuri iki gitangaza bakizera


Mu magambo ye Sheikh Dahiru Usman Bauchi yagize ati “iki ni igitangaza gikomeye kigaragaza ko Imana ikwiye kwizerwa ndetse n’abatemera bakwiye kwemera”.

Iyi nkuru yakwirakwijwe ku rukuta rwa Facebook tariki ya 21 Werurwe yanditse mu rurimi rw’Icyarabu nkuko ikinyamakuru Tuko cyanditse iyi nkuru kibitangaza.

Nubwo bimeze gutya ariko ku rundi ruhande hari bamwe mu baturage bo muri Nigeria banze kubyemera nk’ukuri bavuga ko uyu mubyeyi aribyo yahimbye basaba ko yakorerwa isuzuma bakareba ko nta kibazo cyo mu mutwe afite.

PNG - 792.6 ko
Nubwo bimeze gutya hari abatumva ko ibi bishoboka bavuga ko uyu mugore ari ibyo yahimbye

Daniel MUKESHIMANA@Umubavu.com



Tanga igitekerezo kuri iyi nkuru



Igitekerezo
-xxxx- Kuya 1er-04-2018

ibyontibishoboka nubwobyashoboka kandi ntacyo byababimaze kuko ntaho bihuliye n Imana nibinyo
a ndi Joseph