Pasiteri yashyizwe ku karubanda n’umugore we kubera gusambanya inshoreke zo mu bakristu be

Ni umupasiteri wo mu burengerazuba bw’igihugu cya Kenya mu gace ka Shibuye, mu ntara ya Kakamega utavuzwe amazina washyizwe ku karubanda n’umugore we nyuma yo kurambirwa ingeso ye yo kumuca inyuma asambanya bamwe mu bagore bo mu bakristu be.

Nyuma yuko afashwe n’umugore we ari kumuca inyuma aryamanye n’umwe mu bagore wo mu bakristu ayoboye, uyu mupasiteri nibwo yasizwe ku karubanda n’umugore we avuga ko yumva arambiwe ingeso ye yo gusambana n’abagore ayoboye.

Nyamara uyu mupasiteri nawe akavuga ko nawe arambiwe kutitabwaho n’umugore yishakiye nyuma y’igihe kirekire atamwemerera ko batera akabariro kandi nta mpamvu amubwira.

Nubwo uyu mupasiteri avugwaho izi ngeso mbi, ngo ubusanzwe abantu bamufataga nk’inyangamugayo kubera ubwitonzi bamubonagaho cyane cyane mu gufata neza abayoboke b’idini rye. Nyamara kandi ngo ibi bivugwa n’abagore cyane ngo kuko ari bo yerekaga urugwiro rudasanzwe.
Kubera iyi mpamvu yo gutonesha abagore cyane, byatumye bamwe mu bagabo batangira gukuramo akabo karenge bacika kuri uru rusengero. Bamwe mu bagabo kandi bahise babuza n’abagore babo kuzasubira gusengera kuri uru rusengero rw’uyu mupasiteri kubera ingeso yari afite yo gutonesha abagore afite icyo yimirije imbere by’umwihariko gusenya ingo z’abayoboke be abasambanyiriza abagore.
Uyu mugore mbere yo gushyira ku karubanda umugabo, yari yabanje kubimenyesha imiryango yabo yambi ayibwira ko ntacyo umugabo we yamuburanye ariko akanga akamunanira ingeso ye ikanga gucika.

Uyu mugabo yaje kugerageza guca inyuma umugore we , ku bw’amahirwe make aza gufatwa n’umwe mu bapasiteri bakoranaga umurimo ari muri imwe muri Hoteli zibarizwa mu gace abamo aryamanye n’umwe mu bagore bo ku idini ryabo.

Uyu mugore wari uryamanye n’uyu mupasiteri yari yavuye mu rugo rwe abwiye umugabo we ko agiye gusenga.

Umugabo w’uyu mugore n’umujinya mwinshi yagize ati “yagiye ambwiye ko agiye gusenga naho kumbi yari agiye gusengera muri hoteli ?.”

Ibi byose uyu mupasiteri ntiyigeze abyicuza nubwo byavugwaga ko abikoze igihe kirekire. Yinubiye umugore we wamusebeje mu ruhame avuga ko byose yabitewe nawe wanze ko batera akabariro nyamara nta mpamvu n’imwe yamugaragarije.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo