Pasiteri yambitse abakobwa agatimba abasabira abagabo harimo n’abari mu kigero cy’imyaka 45-50 (Reba Videwo)

Kuri iki cyumweru tariki ya 18 Gashyantare 2018 ku itorero Umurage w’Abera Silowamu riherereye ku Kinamba ahazwi nko kwa Mushimire, ku isaha ya saa munani, byari ibyishimo bikomeye ku bakobwa n’abasore basengera kuri iri torero nyuma yuko Pasiteri UCIYIMIHIGO Xavier abahesheje umugisha abambika agatimba anabasengera ngo Imana ibagirire neza ibahe abagabo b’umugisha.

Kanda hano urebe videwo y’uko byari bimeze

Si ubwa mbere Pasiteri UCIYIMIHIGO Xavier yambika abakobwa agatimba abasengera ngo Imana ibahe ingo z’imigisha kuko no mumyaka yashije iyi nkuru yagarutsweho mu binyamakuru bitandukanye uyu mukozi w’Imana yambika abandi bakobwa agatimba nkuko bamwe muri bo basengera kuri iri torero babihamya bavuga ko ibyo basengewe basabirwa byasohoye kuko kuri ubu bafite ingo zabo.

Igishimishije nuko hari bamwe mu bakobwa bambitswe agatimba icyo gihe kuri ubungubu bashatse ndetse bashimira Imana ko yabasohoreje icyo yababwiye ibinyujije ku mukozi wayo.

Muri aba bakobwa bambitswe agatimba mu myaka yashize, harimo n’umugore wa Pasiteri Xavier basezeranye.

Si abakobwa bambitswe agatimba gusa kuko n’abasore batandukanye bambitswe aka gatimba basabirwa abagore b’umugisha.

Mu ndirimbo z’ibihimbano, buri musore kimwe n’umukobwa baratambuka bambikwa agatimba ndetse bagahabwa n’indabyo nk’iz’abageni ndetse bakanasengerwa basabirwa umugisha.

Ni umuhango Pasiteri Xavier yafashijwemo na Pasiteri Eric, umushumba w’Itorero Siyoni.Abakobwa n’abasore bambitswe agatimba bagera ku ijana muribo kandi harimo n’abakuze bari nko mukigero cy’imyaka 45-50.


Travel for Free!


Tanga igitekerezo kuri iyi nkuru



Igitekerezo
Appolinaire Kuya 7-04-2018

Imana irakora kdi byose mukwizera birashoboka

Appolinaire Kuya 7-04-2018

Imana irakora kdi byose mukwizera birashoboka

Emmanuel Kuya 19-02-2018

ibyo n’ubwescro busanzwe ntakuri kurimo.