Nyuma y’ibyamuvuzweho byose Bishop Rugagi yasabye gusengerwa

Aganira n’itangazamakuru, umuyobozi Mukuru w’Itorero Redeemed Gospel Church Rwanda, Bishop Rugagi Innocent, aremeza ko ari mu bihe bikomeye kandi bibi bitamworoheye dore ko muri iyi minsi yihariye itangazamakuru kubera gufungirwa urusengero ruherereye mu Mugi rwagati ndetse no guhanurira umwe mu bakobwa bahataniraga ikamba rya Nyampinga w’u Rwanda ibyaje kurangira bibaye ibinyoma, ibi bibazo byose bikaba byatumye ageze aho asaba abantu kumusengera.

Muri iki gihe Bishop Rugagi ntiyorohewe n’abamukwena nyuma y’aho hagiye hatangazwa ko yahanuriye umukobwa witwa Umunyana Shanitah ko azaba Nyampinga w’u Rwanda, bizakurangira atamubaye ariko k’ubw’amahirwe yegukana umwanya w’igisonga cy’uwabaye Nyampinga.

Aganiro n’itangazamakuru kuri uyu 28 Gashyantare 2018, Bishop Rugagi nibwo yafashe umwanya wo kwisobanura no gusubiza ibibazo bitandukanye bimaze iminsi bimuvugwaho birimo icyo gufungirwa urusengero icy’ubuhanuzi bwe bucyemangwa ndetse n’ibindi bitandukanye bishobora kuba bimusiga isura itari nziza mu ruhando rw’abandi ba Bishop.

Aha Rugagi yagize ati "Ndi mu bigeragezo bikomeye nkeneye inkunga y’amasengesho kandi nanjye nkomeje gusenga nawe kandi unsengere ”.

Ku byerekeranye n’ubuhanuzi bwe akora

Aha yibanze k’ubuhanuzi yavuzweho ko yakoreye umukobwa washakaga kwegukana ikamba rya nyampinga,yarahiye yeruye ko mubyukuri atamuhanuriye ngo yegukane iryo kamba ahubwo yamusabiye umugisha.

Rugagi yagize ati"Tariki 4 Gashyantare 2018, nibwo nahamagaye umukobwa witwa Shanitah. Shanitah ni umwana wanjye, aririmba muri Angels (Korali yo mu Itorero Abacunguwe). Papa we ni umujyanama mu rusengero, rero niwe wansabye ngo nsengere umukobwa we ari mu irushanwa rya Nyampinga w’u Rwanda. Mu by’ukuri njyewe icyo nakoze ni ukumusabira umugisha ntabwo ari ukumuhanurira".

Yakomeje avuga ko akunda gushyigikira abanyarwanda baba bafite impano bacyeneye kuzigaragaza,arinabwo yatanze urugero rwa Alpha Rwirangira wigeze kwegukana igihembo cya Task Project ko icyo gihe yari muri Kenya kandi ko yamushyigikiye.

Yagize ati “Mba numva ko nashyigikira umunyarwanda wese ufite impano runaka kandi agashaka kuyigaragaza. Nahamagaye Belinda na Shanitah ndanabasengera bombi ariko ntabwo nigeze mbahanurira. Urabona iyo Imana iba yampaye ubwo buhanuzi? mba narabahanuriye.”

Ku byerekeranye n’ifungwa ry’urusengero rwe ruherereye mu Mujyi

Aha yavuze ko bijya gutangira ari abazungu b’Abahinde bakorera hafi y’urusengero rwe, ahamya ko bagejeje ikibazo cyabo ku buyobozi bw’Umurenge wa Nyarugenge, ari nabwo ubuyobozi bwaje kumusaba ko yashyiramo ibyuma birinda urusaku (Sound proof).Ibi byuma Bishop Rugagi ngo yabishyizemo nyuma , Umuyobozi w’Umurenge araza aramufungira birangije ajya ku karere bamuha urupapuro rumuha uburenganzira bwo gufungura ariko nyuma umurenge uragaruka uramufungira.

Arongera abazwa impamvu atagiye kurega abamufungiye urusengero ku rwego rubakuriye avuga ko yanze gukomanya imitwe ubuyobozi.

Yagize ati “Ikintu ugomba kubanza kureba ni ukureka ikintu kitwa igonganisha ry’inzego ugatwara ibintu mu mahoro, niba komanda wa Polisi turi kumwe akaba ari kubwira Gitifu ati ko afite urwandiko rw’iminsi ine kugira ngo abe yimutse mwamuretse, Gitifu ati oya.”

Ubusabe yasabye abakunzi be ndetse n’abanyarwanda nuko bajya ku mavi bakamusengera kuko arageramiwe nubwo nawe asenga, ariko inkunga y’amasengesho nti yamugwa nabi.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo
Muhamagaro Schadrack Kuya 3-03-2018

Mbanje kubasuhuza mwe mwese kubyumva so ndagirango mbwire umukozi wimana Rugagi ngo ukomere kndi ushinyirize mubigeragezo urimo kuko nyuma yo gushinyiriza uzashisha humura ibyo bizashira kndi abavugabo ntibabura igifite agaciro nicyo imana yakuvuzeho murakoze.

Muhamagaro Schadrack Kuya 3-03-2018

Mbanje kubasuhuza mwe mwese kubyumva so ndagirango mbwire umukozi wimana Rugagi ngo ukomere kndi ushinyirize mubigeragezo urimo kuko nyuma yo gushinyiriza uzashisha humura ibyo bizashira kndi abavugabo ntibabura igifite agaciro nicyo imana yakuvuzeho murakoze.

uwimana Kuya 1-03-2018

Rugagi erega ubeshyera Imana cyane reka wumve ntacyo urabona ahubwo nushake wihane kuko wishyize hejuru cyane wigisha ibintu bidasobanutse byibitangaza kandi sibyo dukeneye . dukeneye abakozi bi Mana atarabinda bigisha ijambo ryi Mana rivana abantu mu byaha kuko Ijambo ry’ Imana riravuga ngo nituguma muriyo Amagambo yayo akaguma muri twe dusabe cyo dushaka izakiduha