Nyarugenge: Urusaku rwatezwaga n’indangururamajwi zo ku Misigiti rwashyizweho akadomo

Imisigiti y’idini rya Islam yatezaga urusaku guhera mu rukerera nka saa cyenda z’ijoro ikoresha indanguramijwi mu guhamagara abayoboke, kuri ubu byamaze guhagarikwa bihereye mu karere ka Nyarugenge mu Murenge wa Nyarugenge.

Ibyumweru bisaga bitatu birirenze Leta ihagurukiye gushyira mu bikorwa ingamba zo kurwanya akajagari n’urusaku mu matorero n’amadini akorera mu Rwanda, aho kuri ubu mu gihugu hose insengero zirenga 1220 zimaze gushyirwaho ingufuri.

Mu ibarurwa Ubuyobozi b’Umurenge wa Nyarugenge bwandikiye imisigiti ikorera muri uyu Murenge (ari naho ifungwa ry’amatorero ryatangiriye), Umunyamabanga Nshingwabikorwa w’uyu Murenge, Havuguziga Charles yasabye Abayisilamu bakoreshaga iyi misigi guhagarika bene ibi bikorwa by’indangururamajwi ziri ku misigiti, bagashaka indi nzira bajya bahamagara abakozi babo, kuko bene ibi bifatwa nk’ibiteza urusaku mu Mujyi wa Kigali.

PNG - 918.7 kb
Uyu ni umwe mu Misigiti w’Abisilamu uri mu Mujyi rwagati


Muri iyi baruwa uyu muyobozi yasabye ko ubu buryo bwo gukoresha indangururamajwi buhagarikwa, hagashakwa ubundi buryo bahagaramo abayoboke babo.

PNG - 493.8 kb
Mu ibaruwa ubuyobozi bw’umurenge wa Nyarugenge bwasabye ubuyobozi bw’imisigiti ikorera muri uwo murenge kurangiza ikibazo cy’urusaku rutezwa n’indangururamajwi zigaragara ku misigiti

Ibi bihereye mu Karere ka Nyarugenge bije nyuma y’aho ibikorerwa mu nsengero z’amatorero n’amadini bimaze iminsi bifungwa, benshi bagakomeza kwibaza ku rusaku rw’Abisilamu bakangura abantu iya rubika, benshi binubiraga ko Leta n’izindi nzego bireba baba batinya guhangana n’Idini ya Islam., byafatwaga nkaho yo ari ntakorwaho.

Nkuko ifungwa ry’insengero n’amadini ryahereye muri uyu murenge wo mu murwa mukuru rwagati, byitezwe ko iyi gahunda iza gukomeza no mu misigiti yo mu Rwanda hose no mu turere nkuko muri uyu murenge ari ho ifungwa ry’insengero ryahereye.

@Umubavu.com


Travel for Free!


Tanga igitekerezo kuri iyi nkuru



Igitekerezo
mansa sultan Kuya 15-03-2018

Baca umugani ngo inkoni ikubise mukeba uyirenza urugo,igihe adhana yabereyeho nibwo ibaye ikibazo?harya itegeko nshinga ntiryemera umuntu nimyemerere ye,none niba adhana ari kimwe mubice bigize ubusilam iri si ikandamizwa,Mana tabara abagaragu bawe udukize iki kigeragezo

John Kuya 15-03-2018

Umuntu usakurizwa n’abayislamu umunota utarenze umwe navuga ko atari umunyamugi!
Ahubwo njye mbona bafashaga natwe tutari abayislamu kubyukira ku gihe cyane mu gitondo!
Uwo byakanguraga nawe kandi nyuma kwongera gusinzira ntibifata akanya!

Uwitonze JMV Kuya 14-03-2018

Iyi gahunda niyo rwose. Na Hano iwacu rwinkwavu muhagere Cuba Ku Lance voi ziratuzengereje zidukangura mu bicuku by a ninjoro, kumanywa. Ibi nibyo rwose

Uwitonze JMV Kuya 14-03-2018

Iyi gahunda niyo rwose. Na Hano iwacu rwinkwavu muhagere Cuba Ku Lance voi ziratuzengereje zidukangura mu bicuku by a ninjoro, kumanywa. Ibi nibyo rwose