Ni iki kihishe inyuma yo gufunga urusengero rwa Segeem ADEPR Rwampara mu gihe bavuga ko bujuje ibisabwa?

Mu ntangiriro z’ukwezi kwa kabiri nibwo mu Rwanda habaye inkubiri ya gufunga inzengero zitujuje ibisabwa, ibi bikaba byarakorwaga n’ uturere dufatanyije n’ikigo ki miyoborere ari nacyo gifite munshingano amadini. Ku itariki ya cumi na gatatu 13/3/ 2018 nibwa urusengero rwa Segeem Paruwase ya Rwampara barugezeho narwo bararufunga nyuma y’ifugwa z’izindi nsengero ubu bakaba barafunguye urundi rwo rugasigara bakaba bavuga ko ari akarengane no gushaka ruswa.

Learn how to Thrive

Bamwe mu bakriso baravuga ko kuba badafungurirwa urusengero hari iki byihishe inyuma kuko ngo hari abo bafunguriye bataruzuza ibisabwa n’ubuyobozi bwa akarere ka Kicukiro bagafungurirwa batarabyuzuza.

Umva uko pasiteri n’umukristo babibona

Abakristo ba segeem baganiriye n’umubavu.com avuga ko babangamiwe no kuba batarafungurirwa urusengero nyamara ngo barakoze uko bashoboye bakuzuza ibisabwa ngo barebe ko akarere kabafungurira nabo bagasenga uko bikwiriye ubu ngo bakaba batari babafungurira.

Yagize ati, " Ubu dufite ikibazo ko naho dusengera se usanga twabize ibyuya nk’abari muri sauna massage, ubu dutegereje Imana ariko ntakindi twakora turi gusengera abayobozi ngo Imana ibakoreshe ibyubutwari, ni batumvira Imana ngo bumve ko abantu bayo bari kurengana ni Imana izabibabaza ndetse inabahane kuko ntabwo yarebera ibiri kuba, ubu n’akarengane turi gukorerwa batwatse amafaranga ikubagahu turayatanga ngo baje kudukingurira twubaka vuba vuba ngo natwe turebe ko badukingurira ariko hashize ibyumweru 3 bakomeje gutsimbarara ubu usibye Imana ntawundi twabwira ikibazo cyacu."
Tembera urusengero rwa Segeem

Undi yagize ati, " Nukuri siwamenya icyo dupfa na Mayor kuko urebye hari icyo ashaka tutaramenya cyangwa hakaba hari ababyihishe inyuma kuko nk’abantu bafite insengero zidafite aho zihuriye nizacu barazifunguriye ubu twabuze ayo ducira nayo tumira.

Umuyobozi wa Paruwase ya Rwampara twashatse kumenya icyo abivugaho tumutegerereza kurusengero nti twamubona ariko aza kutwitaba kuri telephone, atubwira ko nawe ategereje icyo ubuyobozi buzabategeka kuko ibyo babasabye byose babikoze ndetse bakaba bari bababwiye ko baza kubasura bagategereza ntibaze kandi ngo bari bari kurutonde rwabari busurwe, nyuma baza kumenya ko hari ahandi bafunguye bajyayo ariko meya abima agaciro yikubita mu modoka aragenda.

Yagize ati, " Twamenya ko hari ahandi ari gufungurira dufata imodoka n’abagabo batatu tujyayo turategereza arabanza ararangiza ndamwegera ndamubaza nti ese ko iwanjye mutahageze arambwira ngo hariya niba ari iwanyu ntabwo njyayo ahita ajya mu modoka yarankubise urugi"

Umuyobozi w’akarere ka Kicukiro Dr Nyirahabimana Jeanne mubutumwa bugufi yoherereje umubavu.com yavuze ko ngo ibi ntaho bihuriye n’ukuri ngo abujuje ibisabwa barafungurirwa.

Yagize ati, " Ibi ntaho bihuriye n’ukuri, abujuje ibisabwa barafungurirwa, kuba badafungurirwa n’uko hari ibibura kandi barabizi. Impamvu zidahuye n’amabwiriza ni izabo bwite, ni nabo bazisobanura."

Amabwiriza ya RGB yasohotse avuga bimwe mubyo insengero zikorera mu mujyi cyangwa mu cyaro zigomba kuba zujuje, ADEPR Rwampara ivuga ko ibyujuje ko ngo n’icyangombwa cyo kubaka bacyatse 1995 ko icyo gihe batandikaga ko bababwira ga ko bagenda bakubaka ibi ngo nibyo bishingirwaho n’akarere bakomeza gufunga uru rusengero rufite ibindi bisabwa.

Umuyobozi ushinzwe imiyoborere mu karere ka Kicukiro MUHIRWA Aaron yabwiye umubavu ko ibyo bashingiraho bakomeza gufunga uru rusengero aruko aho rwubatse nta buryo bashobora kuruzamura ngo rwigire hejuru kuko ngo ruri hasi, avuga ko bareba uko bagakoresha urundi ruri hepfo ngo ariko bagafata ibifata amajwi (sound froof ) biri haruguru bakabimanura hepfo, ibintu abakristo babona ko byaba bibangamye kuko ngo banjya kubaka urwo bafunze byari byatewe n’uko hepfo batakwirwagamo ubu ngo bagera 2000 kandi urwo akarere kabategeka gukoresha rwakira 300 gusa.

Yagize ati, " amabwiriza arasobanutse twabasabye ko bakoresha ururi hepfo kandi narwo bakarushyiramo ibifata amajwi (sound froof ) kuko ntabirimo kugira ngo badasakuriza abaturiye hafi yarwo."

Amakuru umubavu ugikurikirana avuga ko uyu muyobozi ushijwe imiyoborere hari ngo uburyo akorana n’abapasiteri baba bafungiye insengero akabakuramo amafaranga akayageza ku muyobozi w’akarere, hanyuma ubikoze atyo agafungurirwa, andi makuru avuga ko baba baranze gutiza urusengero inzego z’ibanze za Leta ngo rukoreshwe mu gihe cyo kwibuka Jenoside ya korewe abatutsi, ariko ngo ni ikinyoma kuko uru sengero rwatirwaga rwa Kimisange rwa koreshejwe ndetse icyunamo cyarangira akarere kagahita kongera kurufunga.

Uyu muyobozi akaba yavuze ko ari ikosa bakoze kuko ngo bari babanje kwihanangiriza inzego zibanze ko zitakoresha insengero zifunze.

Ubwo yasozaga Umwiherero wa 15 w’Abayobozi bakuru b’Igihugu, Perezida Kagame, yatangajwe n’ukuntu mu Mujyi wa Kigali gusa hafungwa insengero 700, yibaza niba ari za robine zitanga amazi cyangwa inganda zifitiye abaturage umusaruro.
Yakomeje avuga ko kuba insengero ziruta robine z’amazi n’ibindi bifitiye akamaro abaturage ari ‘akajagari.’

Yagize ati “Ikindi kintu cy’umusaruro kigejeje kuri 700 muri uriya Mujyi ni iki, ni inganda, turazifite se, ariko amadini ni 700 mwarinze no gufunga, ubwo bivuze ngo ni akajagari.”

Aha iyi nkubiri yarakomeje kugeza ubwo nizitari zagafungwa zara funzwe.
“Ariko ubundi ayo ma kiliziya 700 mwagiye gufunga akorerwamo iki? Atangirwamo amazi? Nicyo nabajije, ni za robine z’amazi ziri aho, ni iki? Ni amaduka, ni inganda zifite icyo zikora?”

Perezida Kagame yabwiye abayobozi ko ikintu gifasha cyane mu kugera ku mpinduka ari umuco, kuko ibihugu byateye imbere usanga ibyinshi byarabigezeho kubera umuco wo kwicisha bugufi, kwiyoroshya no gukora cyane.

Igikorwa cyo kugenzura insengero cyakonzwe n’ubuyobozi bw’uturere bufatanyije n’Urwego rw’Igihugu rw’Imiyoborere (RGB), ari narwo rufite amatorero n’amadini mu nshingano. Uru rwego ruvuga ko insengero zafunzwe zasabwe guhagarika ibikorwa byazo kugeza igihe zizuzuriza ibisabwa byose.

Mu Karere ka Kicukiro hafunzwe insengero 156 muri 352; muri Gasabo hafugwa 355 muri 699 naho muri Nyarugenge izafunzwe ni 203 muri 300.
By Ishimwe Kerry


Travel for Free!


Tanga igitekerezo kuri iyi nkuru



Igitekerezo
emmy ndayo Kuya 14-06-2018

Bene data mujye muzengurutsa ururimi rwanyu inshuro7 mukanwa mbere yo kuvuga.kuko hari imvugo iba idakwiye kwandikwa cgse kuvugwa n’umuntu wese wakiriye Yesu kristo

buri wese aba afite umurongo akoreramo

Iyo ibyawe bitarakemuka urapfukama ukabyereka Imana nyirumurimo

ntimukavuge nabi rero

Venant Kuya 6-06-2018

Hhhhhh,ni mureke Service mbi ntabwo izarangira,kurya Imana yabwiye Nowa asohotse mu nkuge ngo itumba, impenshi, urugaryi bizahoraho. Nshigikira cyane ko aho kuyoborwa n’ubuyobozi bw’igitugu icyaba cyiza nuko umuntu yahitamo intambara.Ariko ntakitagira iherezo ntawamenya ibi nabyo haricyo bihatse ntawamenya.

Venant Kuya 6-06-2018

Hhhhhh,ni mureke Service mbi ntabwo izarangira,kurya Imana yabwiye Nowa asohotse mu nkuge ngo itumba, impenshi, urugaryi bizahoraho. Nshigikira cyane ko aho kuyoborwa n’ubuyobozi bw’igitugu icyaba cyiza nuko umuntu yahitamo intambara.Ariko ntakitagira iherezo ntawamenya ibi nabyo haricyo bihatse ntawamenya.

Nabasa Fred Kuya 2-06-2018

Jyewembona nyakubahwa mega wa karere kacu ka kicukiro yatekereza iby’Imana yamukoreye kuko ndabizi birahagije maze nawe akareka ubwoko bw’Imana bugasenga kuko gusenga kwabwo bimufitiye akamarocyane ntabwo abantu 2000 bateranira ahantu hagenewe 300 ubwo bwaba ari ubugome bw’indengakamere.

Ushizimpumu j.chrisostome Kuya 1-06-2018

Ntimubahe ruswa kuko niyo bashaka.
barafungura insengero z’ umwijima kuko nabo bafite uwo bakorera.
Ariko iherezo ryabo riri hafi.
Barye amaruswa barenganye abaturage ariko umwuka w’Imana uzabishyiraho iherezo vuba.

sindayigaya venuste Kuya 1-06-2018

Ibyo bintu birababaje abo bakirisito basaga 2000 baraharenganiye kandi nabo ari abaturage b’igihugu bakwiriye guhabwa Service nziza niba hari ibibura bakabibwirwa bigakorwa. Twizeye ko bikemuka neza nabo bakabakingurira nkuko bakinguriye abandi kandi rero dufite abayobozi Bashoboye twizera ko biri bukunde twese tugashima Imana!

Rindiro Kuya 1-06-2018

Bararenganye rwose nabafungurire babone aho basengera. Imana ibatabare.

Ibyo Mayor avuga bitarangiye nabisobanure niba bihari nabyo bikorwe. Areke agasuzuguro rwose cg yegure kuko n’ubusanzwe ntacyo amariye akarere. Imihanda amazi ntabyo yitayeho.