Museveni yavuze ko napfa nyuma azazuka nkuko Yesu Kristu yazutse

Ni ku munsi w’ejo, mu materaniro Museveni yari yitabiriye yabereye kuri Stage ya Akii-Bua muri Diocese ya Lira . Yifashishije umurongo wo muri Bibiliya Yera wo mu gitabo cy’Abakorinto ba mbere igice cya 15 umurongo wa 26 (Handitswe ngo : Umwanzi uzaheruka gukurwaho ni urupfu), Perezida wa Repubulika ya Uganda, Yoweri Kaguta Museveni yavuze ko naramuka apfuye nyuma azazuka nka Ysu Kristu.

Nkuko ikinyamakuru Daily Monitor kibivuga, Museveni yatangaje abantu benshi cyane ubwo yavugaga ibingibi ashimangira ko nta bwoba afite ndetse adatinya urupfu kuko naramuka apfuye nyuma azazuka nkuko Yesu Kristu yazutse.

Ibi Museveni yabivugiye mu majyaruguru y’igihugu cya Uganda mu materaniro yari yagiyemo mugi wa Lira. Aya materaniro yari ayo gushaka inkunga yo gufasha Diocese ya Lira ari naho uyu mukuru w’igihugu cya Uganda yavuze ko kuba Yesu Kristu yarapfuye akazuka nawe yizeye ko napfa nyuma azava mu bapfuye.

Yagize ati “twese turi abakristu. Muzi impamvu y’ibi ?Nuko Yesu Kristu yaje akitanga, agapfa nyuma akava mu bapfuye. Kuba yarapfuye nyuma y’iminsi itatu akazuka, ibi ni ibiduha ikizere ko natwe nidupfa tuzazuka”.

PNG - 839.5 ko
Bishop Joseph Franzelli, uyobora Diocese ya Lira aha ikaze Perezida Museveni mu materaniro yari yabereye kuri Sitade ya Akii-Bua


Mu gukomeza gusobanura neza icyamuteye kuvuga ko napfa nyuma azazuka, Museveni yifashishije umurongo wo muri Bibilya Yera mu gitabo cyo mu Isezerano Rishya cy’Abakorinto ba mbere.

Museveni yabwiye imbaga yari mu materaniro ati “mugende musome muri Bibiliya Yera mu gitabo cy’Abakorinto ba mbere igice cya 15, umurongo wa 26”. Bibiliya igira iti “Umwanzi uzaheruka gukurwaho ni urupfu”.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo