Mu mateka: Umusigiti na Kiliziya Gatolika nabyo byafungiwe kutuzuza ibisabwa

Nyuma yuko igenzura ry’insengero zitujuje ibisabwa n’amabwiriza atangwa n’Ikigo cy’Igihugu cy’Imiyoborere, RGB risanze Umusigiti w’Abayisilamu uherereye mu Kagari ka Pera Umurenge wa Bugarama utujuje ibisabwa, kuri uyu wa Kane tariki 8 Werurwe 2018, Ubuyobozi bw’Akarere ka Rusizi bufatanyije n’inzego z’umutekano bwafunze uyu musigiti.

Ibi ni ibintu bitari bimenyerewe dore ko iki gikorwa cyo gufunga insengero zitujuje ibisabwa cyatangirira mu Mujyi wa Kigali mu mpera za Gashyantare 2018, mu nsengero zakunze gufungwa hagiye humvikanamo amatorero atandakanye ariko kugeza ubu Kiliziya n’ímisigiti byasaga nk’íbitaragerwaho cyane ko ahenshi wasangaga Abayisilamu basengera ahujuje ibisabwa, ibi bikaba bibaye amateka kumva ngo Umusigiti cyangwa Kiliziya byafungiwe kutuzuza ibisabwa.

PNG - 852.3 kb
Uyu niwo musigiti wafunzwe

PNG - 365.5 kb
ubuyobozi bw’Akarere ka Rusizi bwashyizeho n’itangazo rigaragaza ko uyu musigiti ufunze

Uyu wa Kane nibwo kandi muri Nyamagabe, hafunzwe Centrale ‘Taba ya Kiliziya Gatorika yafunzwe n’ubuyobozi bw’aka Karere aho nayo yari mu nsengero zitujuje ibisabwa.

Si mu Karere ka Nyamagabe na Rusizi hafunzwe insengero z’ámadini atari akunze gufungirwa arimo Kiliziya Gatorika, Islam ndetse na ADEPR, gusa kuko mu karere ka Nyarugenge hafunzwe urusengero rwa ADEPR ruherereye mu Mujyi rwagati ahazwi nko mu Gakinjiro.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo
Mc Kuya 10-03-2018

Ibyo batujuje nibihe
wenda n’abandi bafatireho
babyuzuza?

-xxxx- Kuya 9-03-2018

Nibarebe Uko bashaka ibyo byangombwa kugirango bakomeze gusenga nkuko bisanzwe.