Mu Itorero Umurage w’Abera Silowamu bashimangira  ko ntawababuza   guhimbaza Imana

Kuri iki Cyumweru tariki 26 Ugushyingo 2017,Mu Itorero Umurage w’Abera Silowamu
Saa Tatu z’igitondo nibwo amateraniro yatangiye aho itsinda ryo kuramya no guhimbaza riri gufasha abayitabiriye kwiygereza Imana ari nako bashimangira ko nta muntu uzababuza kuyihimbaza.

Mu ndirimbo zitandukanye barashimangira ko Imana itabeshya cyangwa ngo ihinduke ndetse ko amasezerano yayo asohora uko byagenda kose kuko ibyo ivuga ari ukuri.

Saa Tatu n’Iminota 36 :Binjiye mu mwanya wo kuramya no guhimbaza ariko nako bashimangira uko munzu y’Imana ari heza kuko harangwa n’imigisha gusa.

Saa Yine n’Iminota 22 ::Gahunda yo kwakirana ko kwakira abashyitsi,Rev Pasiteri Uciyimihigo Xavier yabwiye amagambo y’ihumure abitabiriye aya amateraniro ko Imana igiye kubakorera ibitangaza.

Saa Yine n’Iminota 30 : Korali Siyoni ahanini igizwe n’Urubyiruko yaririmbye ishimangira ko amahanga yose azapfukamira Uwiteka.

JPEG - 131.2 ko
Korali Siyoni ishimangira ugukomera k’Uwiteka

Saa Tanu  : Abitabiriye aya materaniyo batanze amaturo yo gushima Imana , muri uyu mwanya Rev.Pasiteri Uciyimihigo Xavier yabibukije ko Itorero atariryo rizajya umuntu mu Ijuru ahubwo ko azajyanwayo n’imirimo yakoze ku Isi.

Muri uyu mwanya umuntu wese wazaga gutura ituro ry’ishimwe ,Rev.Pasiteri Uciyimihigo Xavier apfukamye yamukoraga mu kiganaza akamwaturiraho amagambo agira ati’’ Imana igukijije inyatsi’’

JPEG - 148.7 ko
Rev.Pasiteri Uciyimihigo Xavier apfukamye yakoraga mu kiganza buri wese uje gutura amwaturiraho amagambo ko Imana imukijije inyatsi

Umubyeyi yashimye Imana avuga ko yamaze imyaka 5 yarabuze urubyaro nyuma Pasiteri akamusengera ndetse Imana ikamuha ubutumwa bwo ko azabona urubyaro ubu akaba yaribarutse umwana w’umuhungu.

JPEG - 121.5 ko
Rev.Pasiteri Uciyimhigo afashe umwana w’umuhungu Imana yamuhishuriye ko azavuka

Saa Tanu n’Iminota 42 : Umukozi w’Imana , Harerimana Welars yagejeje ijambo ry’Imana ku bitabiriye aya materaniro ashimangira urukundo rwa Yesu wemeye kwitangira umwana w’umuntu kugira ngo agire ubugingo buhoraho.

Ifashishije ijambo ry’Imana riboneka muri Yohana 15:1-6 rigira riti’’ .

1.“Ndi umuzabibu w’ukuri, kandi Data ni nyirawo uwuhingira.

2.Ishami ryose ryo muri jye ritera imbuto arikuraho, iryera imbuto ryose aryanganyaho amahage yaryo ngo rirusheho kwera imbuto.

3.None mumaze kwezwa n’ijambo nababwiye.

4.Mugume muri jye, nanjye ngume muri mwe. Nk’uko ishami ritabasha kwera imbuto
ubwaryo ritagumye mu muzabibu, ni ko namwe mutabibasha nimutaguma muri jye.

5.“Ni jye muzabibu, namwe muri amashami. Uguma muri jye nanjye nkaguma muri we, uwo ni we wera imbuto nyinshi, kuko ari nta cyo mubasha gukora mutamfite.

6.Umuntu utaguma muri jye ajugunywa hanze nk’ishami ryumye, maze bakayateranya bakayajugunya mu muriro agashya.

Umukozi w’Imana yasoje kubwiriza asaba Rev.Pasiteri Uciyimihigo yasengeye abemeye kwakira Yesu nk’Umukiza abasabiria kugirirwa imbabazi no kugaruka mu murongo bagatandukana n’ibibakura mu nzira nziza.

Nyuma yo gusengerwa na Pasiteri Uciyimihigo no kugezwaho ijambo ry’Imana na Harerimana Welars, abitabiriye aya materaniro bakaba bitangiye umurimo w’Imana buri wese mu bushobozi bwe.

Saa Saba n’Imonota 3 : Abitabirye aya materaniro batanze amaturo n’icya Cumi ari nako basengerwa na Rev.Pasiteri Uciyimihigo Xavier.

Saa Saba n’Iminota 22 : Rev.Pasiteri yatangangiye gusengera abitabiriye aya materaniro aho benshi babohotse ndetse bakira indwara zari zarababayeho akarande ndetse akaba yirukanye abadayimoni na zanyabingi.

Saa Munani zuzuye : Nibwo Rev.Pasiteri nyuma yo gusengera abantu ndetse no gutwika ibigeragezo byari byugarije bamwe mu bitabiriye aya materaniro, yasoje amateraniro yifuriza buri wese kubohoka.

Iri Torero riherereye ku kinamba ahazwi nko kwa Gakire riyobowe na Rev Pasiteri Uciyimihigo Xavier.

Niba wifuza ko Pasiteri Uciyimihigo Xavier yagusengera cyangwa ubundi bufasha butandukanye ,muhamagare kuri 0788298348.



Tanga igitekerezo kuri iyi nkuru



Igitekerezo