Korali Moriah ya Adepr Gihogwe mu gitaramo cyo gushima Imana izahuriramo na Besalel ya Adepr Murambi

Iyi korali ku munsi wa mbere iririmba yatangiranye abaririmbyi barindwi(7)muri 1995 hanyuma bakomeza kwiyongera bishimishije mu minsi mike yakurikiyeho no kugeza ubu .

Learn how to Thrive

Yateguye igiterane cyo gushima Imana kuko ubu ari korali ifite intambwe imaze gutera aho ubu igizwe n abaririmbyi bagera ku ijana(100) ndetse n abandi bagera kuri 20 bagiye bari ahantu hatandukanye kubera impamvu zirimo kwimukira kure ndetse no kwiga n ibindi ikaba ari korali ikorera umurimo w’Imana kuri Adepr Gihogwe akaba ari naho hari icyicaro cya Paroisse;iyi korali ifite Album 2 harimo imwe y’amashusho ikaba iri no Gutegura Album ya 3.

Ndizeye Emmanuel umuyobozi wa Chorale Moriah ubwo yaganiraga n’umubavu.com yadutangarije ko hari ibintu byinshi Imana yabakoreye babona bikwiye gutuma bashima Imana aho yagize ati:"Mu by’ukuri Moriah turashima Imana kuko yadukoreye ibikomeye bitumye imitima yacu yishima;njye ubwanjye korali yavutse ndeba kuko nanjye navukiye hano nayibayemo niga kugeza ndangije amashuri mboneramo akazi kandi hari n’abandi benshi duhuriye kuri iryo shimwe. Twatangiye ubona nta sura dufite nta bushobozi ariko aho Imana itugejeje ubu ni heza rwose.Urumva hari nyuma gato ya Genocide yakorewe abatutsi yo mu 1994 abantu tutariyubaka neza ariko Imana yaduhaye igihugu, iduha ubuyobozi bwiza, tubona amahoro n’umutekano bityo n’itorero dusengeramo ryongera gukora neza turasenga dusabana n’Imana kugeza ubu. Yakomeje atubwira ko korali uyu munsi ifite ibikoresho bya muzika bijyanye n igihe, igaragaza na yo ku mbuga nkoranyambaga, ifite abaterankunga bafatika, ifite indirimbo zayo bwite nziza zubaka imitima mu bijyanye no kwiyunga n’Imana, kwunga Imana n’abantu ndetse no ku ruhande rw ubuzima busanzwe bw’imibereho y’abaririmbyi mu muryango Imana yagiye ibagura.

Umubavu.com twasuye korali Moriah dusanga bari mu myitozo ikomeye ko igitaramo kiri kuri iki cyumweru tariki ya 17/6/2018 saa saba z’amanywa (13h00) aho kwinjira bizaba ari ubuntu bakazaba bari kumwe n’umwigisha witwa Pastor Etienne Rusingizandekwe ndetse na Chorale Besalel yamenyekanye mu ndirimbo Gorigota, Korali Moria ikaba ihaye abanyarwanda bose ikaze.


Travel for Free!


Tanga igitekerezo kuri iyi nkuru



Igitekerezo
Nkurunziza Emmanuel Kuya 13-06-2018

Nshimiye Imana ibyo ikomeje gukora muri chorale Moriah ni ihabwe icyubahiro.Nanjye ndi umwe mubagize iyi chorale ubu nkaba ndimo kwiga icyiciro cya gatatu cya kaminuza muri Asiya.Turi kumwe Imana ikomeze idushyigikire reka Yesu yamamare hose.

Uwineza Kuya 13-06-2018

Iyi ni choral yanjye, nayiboneyemo umugisha ukomeye, nayigiye ho gusenga, agaciro ko gukorera Imana, impuguro zitandukanye, iyi ni choral yicyitegererezo kuri njyewe,nukuri muzaze dushime Imana dufite byinshi bituma dushima.

Uwingabire Chantal Kuya 13-06-2018

Imana niyo gushimwa kuko nta jambo ivuga ngo rihere.Turishimyeeeeeeeee!!!!

Karengera callixte Kuya 13-06-2018

Imana idushyigikire

Jean gahire Kuya 13-06-2018

Imana ishimwe cyane kdi turabakunda imana ibahe imbaraga na mavuta

Twagira Kuya 13-06-2018

byiza cyane birashimishije Imana ikomeze kubagura

Donat Nkurikiyintwali Kuya 12-06-2018

Rwose aho ndi Nairobi ndashimira Imana mu mutima wanjye kubyo Imana yadukore. Ndetse nkibuka n’amasezerano y’Imana kuko nk’umuririmbyi muri chorare Moriah Imana yambwiye ko izangirira neza bidatinze mpita mba umukandida mu banyeshuri bakora PhD in Economics at the University of Nairobi.

Kuko Uwiteka ari umukiranutsi, kandi akunda ibyo gukiranuka, abatunganye bazareba mu maso he.

Zaburi 11:7