Korale La Charite ya ADEPR Nyabisindu ivuga ko igiye kuvuguta umuti w’ubushomeri

Korali La Charite ikorera umurimo w’Imana ku mudugudu wa Nyabisindu akaba ari naho hari icyicaro cya Paroisse ndetse n’itorero ry’Akarere ka Muhanga ADEPR ikaba yaratangiye umurimo w’Imana mu mwaka w’1980 ubu yiyemeje gushyira imbaraga zo ku rwanya ubushomeri mu rubyiruko babaremera amatsinda yo kwitwza imbere.

Mu Gushyingo itangira yitwaga korali Gitarama,iza kurivaho yitwa korali ya Mbere,nyuma iza kwitwa korali LA Charite ahagana mu mwaka w’1995 nkuko Umubavu.com wabitangarijwe na bwana Gasore Jean Pierre wanatubwiye ko iyi korali imaze kugira Album 2 z’amajwi ndetse n’imwe y’amashusho.Bwana Gasore yakomeje atubwira ko korali yakoze umurimo mu cyahoze ari prefegitura ya Gitarama ku buryo urwo rurembo rwose aribo baruvunnye ku kigero cya 85%.
umuyobozi wa LA Charite
Iyi Korali iherutse gukora igitaramo yari yatumiyemo abahoze ari abaririmbyi babo baba hirya no hino mu gihugu bari bise GARUKA USHIME LA CHARITE cyishimiwe cyane n’ubuyobozi bw’itorero nkuko twabitangarijwe n’umuyobozi w’umudugudu wa Nyabisindu ADEPR Pasteur Uwanyirigira Cyprien wanarerewe muri iyi korali aho yabwiye Umubavu.com ati, "Korali LA charite idufasha byinshi mu ivugabutumwa rya hano ku rusengero ndetse no hanze yaho cyane ko benshi muri bo bagize inama nyobozi y’itorero rya hano"


Uhagarariye abafatanyabikorwa b’iyi korali Pasteur Nkurunziza Donatien yatangarije Umubavu.com ko bashaka gufatanya n’ubuyobozi bwa korali mu kuvuguta umuti w’ubushomeri mu rwego rwo kubafasha kwagura umurimo w’Imana ;yagize ati :"Twifuje gutangiza amatsinda yo kwizigama nk’uko leta y’U Rwanda ibidukangurira ;bigakorwa hagati muri korali bityo tukazajya tuguriza umuririmbyi ufite umushinga uciriritse ushaka kwiteza imbere bikaba byamufasha guhangana n’ubushomeri."Ushaka amakuru yizewe akoranye ubuhanga soma amakuru y’umbavu.com”



Tanga igitekerezo kuri iyi nkuru



Igitekerezo
joselyne uwera Kuya 20-01-2018

ark mujye muduha nindirimbo zanyu mudufashe kuzibona nkahano kumubavu murakoze

uwera jocelyne Kuya 20-01-2018

iyi choral ndayikunda cyane nyagasani abashyigikire kd yagure umurimo mukora indirimbo zanyu ziranyubaka

uwera jocelyne Kuya 20-01-2018

iyi choral ndayikunda cyane nyagasani abashyigikire kd yagure umurimo mukora indirimbo zanyu ziranyubaka

John.Mut Kuya 19-01-2018

chorale Lacharite ifite vision nziza Imana ibajye imbere. kandi tubifurije kuzagera kuri vision yanyu.