Itsinda Yesu niyamamare hose Family ibazaniye  igiterane cy’iminsi 3 kizatabarirwamo imbaga

Itsinda Yesu niyamamare hose family rimaze kumenyekana mu bikorwa by’ivugabutumwa no gufasha abatishoboye ririmo gutegura igiterane cy’ivugabutumwa kubufatanya n’ADEPR Gatenga kizamara iminsi 3 aho bazanafasha abatishoboye kubona mitiweri.

Umuryango Yesu niyamamare hose ni itsinda ry’abakristu bishyize hamwe bagamije gukora umurimo w’Imana aho bagenda bakora ibikorwa by’Ivugabutumwa birimo ibiterane no kubwiriza hirya no hino ,gusengera abarwayi,kubasura no gufasha abatishoboye.

Rya teguye igiterane k’ ivuga butumwa, iki giterane kikaba kizatangira kuri uyu wagatanu tariki ya 10 Ugushyingo 2017.
Pastor Bwate David umuyobozi w’umudugudu wa ADEPR Gatenga yatangarije itanagazamakuru ko yishimiye kwifatanya n’iri tsinda mu gutegura iki giterane.

Yagize ati ”Twishimiye ubufatanye n’iri tsinda mu gutegura iki giterane cy’amateka ndahamagarira buri muntu wese kuzitabira kuko azahabonera imirimo n’Ibitangaza by’Imana ndetse bazagira ibihe byiza byo gutaramana n’abahanzi bakomeye bafite amavuta”.

Umuyobozi w’iri tsinda Olivier Ndoliva yatangarije itangazamakuru ko iki giterane kizatamngira kuwa gatanu kikarangira ku cyumweru.

Yagize ati, “iki giterane kizatangira kuwa gatanu kuva saa tatu za mu gitondo kugera saa moya z’umugoroba(9h00-19 h00) naho kuwagatandatu gitangire kuva ku isaha ya saa samunani kugeza saamoya (13-19h00) ku cyumweru gitangirane n’amateraniro ya mugitondo gikomeza na nyuma ya saa sita ndetse mu isozwa ryacyo hakazaberamo umuhango wo gufasha abakene 100 badafite uburyo bw’ubwisungane bwo kwifuza, ndetse batange nimyambaro kubadafite icyo kwambara.”

Yakomeje asaba abantu kuzakitabira kuko abantu bazabohoka kandi bagahabwa n’umugisha mubyo bakora.

Iki giterane kizitabirwa n’abahanzi bakomeye bo muri Gospel ndetse n ;abavuga butumwa basizwe amavuta y’Imana.

Iri tsinda rimaze imyaka igera kuri 3 rikora ibi bikorwa rikaba rimaze kugera ku banyamuryango basaga 400 ubu riri gutegura igiterane cy’ivugabutumwa ngaruka mwaka kizabera ku rusengero rwa ADEPR Gatenga ahakunze kwitwa I Yerusalemu.

By Nsengimana Theoneste



Tanga igitekerezo kuri iyi nkuru



Igitekerezo