Itariki yo gutora Biro Nyobozi nshya y’Itorero ADEPR yamenyekanye, dore ibisabwa ku bashaka kwiyamamaza

Umuyobozi w’Inama y’ubuyobozi y’Itorero rya Pentecote mu Rwanda (ADEPR) yasohoye itangazo risaba umuntu wese ushaka kwiyamamaza ku myanya itandukanye y’ubuyobozi bw’abagize Biro nyobozi y’Itorero.

Learn how to Thrive

Ubuyobozi bw’inzibacyuho bw’Itorero rya ADEPR bwagiyeho mu kwezi kwa Kamena 2017 busimbuye ubwari buvuyeho.

Biro nshya ya ADEPR iyobowe na Rev.Karuranga Ephrem yagiye ku buyobozi mu gihe Itorero ryari mu cyuho cy’ubuyobozi kugeza ubu bakaba barakoze ibishoboka byose ngo babungabunge umukumbi gusa igihe kirageze ngo inzibacyuho irangire hashyirweho ubuyobozi bwemewe kandi butowe n’inteko rusange

Itangazo ryashyizwe hanzwe n’umuyobozi w’inama y’ubuyobozi ya ADEPR risaba umuntu wese wujuje ibisabwa gutanga Kandidatire ye bitarenze tariki ya 14/3/2017 nkuko itangazo ribivuga, rikubiyemo n’ibisabwa kuri buri mwanya kugira ngo umuntu yemererwe kwiyamamaza.

Ibisababwa kuri iyo myanya y’abagize Biro nyobozi y’Itorero

1. Ku mwanya w’Umuvugizi n’umuvugizi wungirije w’Itorero:

1. Kuba ari umunyarwanda

2. Kuba yararobanuriwe umurimo w’ubupasitori

3. Kurangwa n’ubunyangamugayo

4. Kuba afite nibura imyaka 35

5. Kuba atarakatiwe kuburyo budasubirwaho igihano cy’iremezo cyigifungo kingana cyangwa kirenze amezi atandatu kitarahanagurwa n’imbabazi z’itorero cyangwa ihanagurabusembwa.

6. Kuba yarize Kaminuza mu ishami ry’iyobokamana cyangwa muyandi mashami ku rwego rwa Kaminuza akaba afite nibura imyaka itanu mu nshingano ya gipasitori,cyangwa afite nibura amashuri atandatu yisumbuye n’uburambe bw’imyaka 10 mu buyobozi bw’itorero.

2. Ku mwanya w’Umunyamabanga Mukuru w’Itorero:

1. Kuba ari umunyarwanda

2. Kuba yararobanuriwe umurimo w’ubupasitori, afite nibura uburambe bw’imyaka itanu muri izo nshingano.

3. Kurangwa n’ubunyangamugayo

4. Kuba afite imyaka y’ubukure

5. Kuba atarakatiwe ku buryo budasubirwaho igihano cy’iremezo cyigifungo kingana cyangwa kirenze amezi atandatu kitarahanagurwa n’imbabazi z’itorero cyangwa ihanagurabusembwa.

6. Kuba yarize kaminuza mu ishami ry’iyobokamana cyangwa irindi shami ku rwego rwa kaminuza rifitanye isano n’umurimo yiyamamariza gukora.

3. Ku mwanya w’Umuyobozi ushinzwe Imari n’ubukungu n’umujyanama mu by’ubukungu n’ubuyobozi bw’Itorero:

1. Kuba ari umunyarwanda

2. Kuba arangwa n’ubunyangamugayo

3. Kuba ari umuyoboke w’itorero ADEPR

4. Kuba atarakatiwe kuburyo budasubirwaho igihano cy’iremezo cyigifungo kingana cyangwa kirenze amezi atandatu kitarahanagurwa n’imbabazi z’itorero cyangwa ihanagurabusembwa.

5. Kuba afite impamyabumenyi ya Kaminuza mu ishami ry’ubumenyi rifitanye isano n’ubukungu, icungamutungo, imiyoborere no gucunga abakozi.

Ibaruwa itanga Kandidatire yandikiwe Perezida wa CA igomba kuba iherekejwe na Fotokopi y’Indangamuntu, umwirondoro (CV) na fotokopi y’impamyabumenyi zerekana amashuri yize, igomba kuba yageze ku biro bikuru bya ADEPR bikorera ku Kimihurura bitarenze tariki ya 14/3/2017 saa kumi n’imwe z’umugoroba.

Ibi byose ushobora no kubisanga ku itangazo ryatanzwe na ADEPR:

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo
Celestin Kuya 15-03-2018

Ikigaragaza, ubujura, amanyanga,n,amatiku mu itorero Rya ADEPR:iri tangazo ryatanzwe kuya13 rikarangira kuya 14/03/2018 ,ubwo Se uzajya gukoresha notification y’all diploma azayikoresha ryali, uzabaza ibyo atasobanukiwe azabibaza ryali? Muri indimanganya gusa

Mupenzi Kuya 15-03-2018

Tubifurije amatora meza Nabazatorwa twizereko hagiye kuba’impinduka mumiyoborere

dddd Kuya 15-03-2018

Italiki yo kuragiza gutanga candidatures mwanditse nabi 13/03/2017