Indirimbo ya Theo Bosebabireba ‘Sinapfuye’ ikomeje guteza impagarara kubera amagambo ayirimo

Hashize iminsi mikeya Theo Bosebabireba ashyize hanze indirimbo y’amajwi yise ‘Sinapfuye”, iyi ndirimbo ikaba ikomeje kugenda igarukwaho cyane n’abantu batandukanye kubera amagambo ayirimo abenshi bise ayo kunegurana, amatiku ndetse no gutukana ashaka kwihimura hashingiwe ku bibazo bitandukanye yagiye ahura nabyo birimo no gusezererwa mu Itorero rya ADEPR yasengeragamo.

Umuhanzi Uwiringiyimana Theogene wamamaye mu ndirimbo zihimbaza Imana nka Theo Bosebabireba amaze iminsi ari mu ruhuri rw’ibibazo by’urudaca nyuma y’aho yirukaniwe mu Itorero rya ADEPR azira imyitwarire ye idahwitse ahanini ajyanye n’ubusambanyi tutibagiwe n’inkoni aheruka gukubitirwa mu gihugu cy’u Bugande n’abagizi ba nabi kugeza n’ubu bitaramenyekana icyari kibyihishe inyuma.

Nyuma yuko ahondaguriwe mu gihugu cy’u Bugande yagiye mu ivugabutumwa, Bosebabireba nibwo yahise asohora indirimbo ye nkuko bisanzwe gusa ikaba ikomeje gukurura impaka mu bayumva kubera amagambo ayirimo abenshi bavuga ko yashakaga kubwira Itorero ADEPR riheruka kumwirukana nyamara yaraziraga imyitwarire idahwitse nk’umuvugabutumwa.

PNG - 545.6 kb
Theo Bosebabireba ati "Sinapfuye’ bikibazwa uwo yageneraga ubu butumwa


Muri iyi ndirimbo Theo yise Sinapfuye, yagize ati “ntabwo dutewe ubwoba n’ibihinda nka Kagoma, iyatwambukije inyanja itukura ntizabura kutwambutsa nyabarongo y’ibiziba. Amenyo y’idubu yaradusize, imitontomo y’intare ntiyaduhagaritse, none imbwa ziramoka ngo dusubire inyuma, ntibyashoboka”.

PNG - 223.8 kb
Theo Bosebabireba ati "none imbwa ziramoka ngo dusubire inyuma", ibi byafashwe nko gutukana nubwo ntawuzi uwo yabwiraga


Umaze kumva amagambo ari muri iyi ndirimbo y’uyu muhanzi, ntiwatinya kuvuga ko yarengereye hashingiwe kuri aya magambo akarishye yewe arimo n’ibyiswe ibitutsi bitagakwiye mu ndirimbo ihimbaza Imana.

PNG - 105.3 kb
Bwinshi mu butumwa buri kuri iyi ndirimbo ya Theo bugaragaza ko itishimiwe n’abantu benshi bashingiye ku magambo ayirimo


Uretse ibi tuvuga, mu butumwa abenshi bagiye baha Bosebabireba kuri iyi ndirimbo ye nkuko bugaragara kuri YouTobe, abenshi ntibishimiye iyi ndirimbo bavuga ko ari amatiku y’ibibazo yagiye ahura nabyo nyamara ariwe ubyiteye kubera imyifato ye idahwitse.

PNG - 590.6 kb
Mu ijoro ryo Cyumweru tariki 28 Mutarama 2018 nibwo Theo Bosebabireba yakubiswe n’abagizi ba nabi mu gihugu cya Uganda mu mujyi wa Kampala ubwo yari avuye Masanafu i Kampala mu gitaramo yari yatumiwemo
PNG - 697.6 kb
Ubwo yahondagurirwaga mu Bugande, Theo yakomerekejwe bikomeye mu mutwe byanatumye apfukwa


Kuri ubu abantu bakomeje kwibaza amaherezo y’ibi byose icyakora abenshi bakagira inama umuhanzi Theo Bosebabireba kwisubiraho agasaba imbabazi abo yahemukiye ndetse n’Itorero rya ADEPR kugira ngo yongere agaruke mu murongo wo gukomeza kuba umukozi w’Imana nyawe utarangwa n’amatiku no kunegurana nkuko yabigaragarijwe mu butumwa yagiye ahabwa ku ndirimbo ye nyuma yuko ayishyize hanze.

Iyumvire hano amagambo ari muri iyi ndirimbo ya Theo Bosebabireba yise ’Sinapfuye’:

https://www.youtube.com/watch?v=G2TtQRYwx_0

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo
dusabe grace Kuya 14-03-2018

Andika Igitekerezo Theo ndakwemera

-xxxx- Kuya 10-03-2018

Ariko ni ibisanzwe kuri we, nizindi ze zose zuzuyemo inshyuro gusa. jya nshakamo n ijambo ry Imana ririmo nkaribura