Impinduka mu Bashumba b’Indembo n’Uturere muri ADEPR zifatwa gute n’Abakristo?

Nyuma yuko umuvugizi w’Itorero rya ADEPR Rev. Karuranga Euphrem atangaje impinduka mu bashumba b’indembo n’ab’Uturere, twashatse kumenya uko hirya no hino mu gihugu Abakristo babyakira, tuvugana n’Abakristo bo mu ndembo zitandukanye maze batubwira uko babyumva.

Bavuga ko izi mpinduka ziba zikenewe kugira ngo umurimo w’Imana ukomeze kubakika kuko ngo binatuma abashumba bakomeza kugenda bamenyekana mu bandi kandi ahantu hatandukanye.

Bamwe mu bo twavuganye barimo Abavugabutumwa, Abapasiteri n’Abashumba na bamwe mu bahinduriwe aho bakoraga, babishimye bavuga ko ari byiza uretse bamwe muri bo bavuze ko baba bari bafite abantu bari bamenyeranye bityo bikabagora guhita bamenyerana n’abandi bashya.

Ibi ariko bikaba byafatwa nk’inyungu z’umuntu ku giti cye nyamara impinduka nk’izi ziba zigamije inyungu z’umurimo w’Imana.

Umwe mu baganiriye n’umubavu.com yavuze ko iyo babahinduriye aho bakoraga n’ubundi bakomeza umurimo bakoraga urimo kubwiriza, kwigisha no kujya inama.

Yagize ati “Ikindi gikomeye cyane ni abantu tubwiriza ubutumwa bwiza bwa Kristo, twigisha ndetse dufasha mu bijyanye n’ubujyanama bityo rero iyo agumye ahantu hamwe ntabwo bituma waguka ngo umenye sosiyeti zitandukanye bityo ntiwaguke muri byinshi no mu myifatire yuko wamenyereye abantu bamwe”.

Akomeza agira ati “Nubwo hari abashumba batabyumva neza, sibyo kuko byaba bitandukanye n’ibyo umurimo wa gishumba ubivugaho, benshi mu bashumba barabishyigikiye cyane bavuga ko bibahugura mu buryo bwose”.

Bamwe muri bo manemeza ko ari Abasirikare ba Kristo baragira bati “Twebwe turi Abasirikare ba Kristo kandi nta vangura tugira ngo aba babakristo ni bo twishimira cyangwa twari tumenyereye, twebwe turi umwe muri Kristo kandi aho batwohereje ni ko Imana iba yabiteguye”.

Bakomeza bagira bati “Twebwe ntabwo twagera ikirenge mu cya Jona uvugwa muri Bibliya Yera, aho umushumba agutumye ni ho ujya kandi ukajyayo ubikunze kandi ubyishimiye”.

Bavuga ko nubwo guhinduranya sosiyeti hari abo bigora, nyamara ngo bituma bamenyana n’abantu benshi batandukanye bityo bigatuma babona amahirwe menshi yo kubona uburyo batakabonye mu gihe baba bamaze ahantu imyaka myinshi.

Abandi barabishima bavuga ko iyo hari umushumba umwe ufite imyitwarire itari myiza cyangwa undi ari mwiza, iyo habayeho guhinduranya, ba bandi bari bafite abababangamiye bahita baruhuka kandi na none iyo yari abangamye hamwe iyo ihinduriwe ashobora kubera mwiza aho yimuriwe bityo bakazana amahoro hose mu itorero ryacu

Mu by’ukuri biragaragara ko ari igikorwa kigaragaza ko Abashumba bakurikirana Itorero umunsi ku wundi.

Mu mvugo ya benshi barishimira ubuyobozi bw’Itorero ku bw’ibyo nubwo bacyeya cyane twavuganye bavugaga ko hari ababyungukiramo ariko natwe tubonana ari uburyo bwiza.

Abandi Bakirisitu baganiriye n’umubavu.com bavuga ko hakwiye no kuba impinduka mu bashumba b’amaparuwasi atandukanye ngo kuko nabyo babona byatanga umusaruro mu murimo w’Imana no mu itorero muri rusange.

Dore uko Abashumba bahinduranyijwe muri izi mpinduka zabaye kuri uyu wa Kabiri:

ABASHUMBA B’INDEMBO

Iburasirazuba ni Rev. Kalisa Emmanuel

Amajyepfo ni Rev. Ndimubayo Charles

Amajyaruguru ni Rev. Murindahabi Canisius

Uwayoboraga ururembo rw’Iburasirazuba yagizwe umukozi mu Biro bikuru bya ADEPR

ABASHUMBA B’INDEMBO BUNGIRIJE

Amajyepfo ni Rev. Ruzibiza Viator

Iburengerazuba ni Rev. Karayenga Jean Jacques

Amajyaruguru ni Rev. Ndikumana Godefroid

Iburasirazuba ni Rev. Hakizamungu Josephe

ABASHUMBA B’UTURERE

Akarere ka Ngoma ni Rev. Ntakirutimana Frolien

Akarere ka Kayinza ni Rev. Kamali Silas

Akarere ka Nyabihu ni Rev. Rugema Donatien

Akarere ka Rubavu ni Rev. Butela Celestin

Akarere ka Gicumbi ni Rev. Kamugisha Nascene

Akarere ka Muhanga ni Rev. Kabengera Celestin

Akarere ka Bugesera ni Rev. Masumbuko Josue

Akarere ka Gasabo ni Rev. Rutayisire Pascal

Akarere ka Kirehe Rev. Murigo Stiven

Akarere ka Kicukiro ni Rev. Rwayitare Epaphrodite

Akarere ka Ruhango ni Rev. Macyamura Aaron

Akarere ka Gatsibo ni Rev. Habarurema Alfred

Akarere ka Huye ni Rev. Niyonzima Alexs

Akarere ka Karongi ni Rev. Kanyabashi Thomas

Akarere ka Musanze ni Rev. Ndizeye Charles

Akarere ka Rusizi ni Rev. Gatware Herman

Akarere ka Rurindo kahawe Rev. Nsengiyumva Celestin wayoboraga Paruwasi.

Abandi batavuzwe hano bagumye mu myanya bari bafite.


Umuvugizi w’Itorero rya ADEPR mu Rwanda, Rev. Karuranga Euphrem

@Umubavu.com





Tanga igitekerezo kuri iyi nkuru



Igitekerezo
Turateyesu Isaie Kuya 13-08-2019

Imana n,ishimwe nyakubahwa Umuvugizi wacu izi mpinduka ni nziza ark hari hakwiye ko ukora impinduka hano iwacu muri GATSIBO Abashumba ukabakoramo impinduka usanga barebamo uwo banze baka mujyana kure akava mukarere akajya mukandi muzakore ubugenzuzi kwimuka uyobora Paruwasi ukajya mukandi karere Imana ikomeze kubarinda.

Turateyesu Isaie Kuya 13-08-2019

Imana n,ishimwe nyakubahwa Umuvugizi wacu izi mpinduka ni nziza ark hari hakwiye ko ukora impinduka hano iwacu muri GATSIBO Abashumba ukabakoramo impinduka usanga barebamo uwo banze baka mujyana kure akava mukarere akajya mukandi muzakore ubugenzuzi kwimuka uyobora Paruwasi ukajya mukandi karere Imana ikomeze kubarinda.

Km Kuya 8-08-2019

Mushumba ubutaha nimujya mujya gukora impinduka nkizi muge mubikora kubashuma bxe kuko bihita bigaragaza ko mwashizemo amarangamutima cq se harikindi mwagendeyeho wenda mwishuwe nkamafrw nkuko byahoze bigenda nambere cyeretse arimpinduka zumuntu umwe bitewe nikosa yakoze cq ubushobozi bwe wenda byo byakumvikana ariko iyo mwimuye abandi hafi yabose tukabonamo amazina mutajya mwimura bitera kwibaza byinshi murakoze

safari niyomugabo Kuya 7-08-2019

Hhhhhhhh mbegabyizawe!!!!! Impinduka zije hageze pe umve zari zikenewe cyane rwose

safari niyomugabo Kuya 7-08-2019

Impinduka zirakenewe nomuma PARUWASI kuko bibabyiza cyane harigi usanga Umushumba kuberako yatinze muriparuwasi abasigaye ayifata nkwomurugorwe rusanzwe

safari niyomugabo Kuya 7-08-2019

Nibyiza cyane umuvugizi wacu turamushyigikiye kubwizi mpinduka nazikore nomubashumba bama PARUWASI kuko nazo nikineye impinduka